Zawt Damter Khawhnak/Healing Power Anei Khomi aho Hmanh An Um Lo (VIDEO)

The Gift of Healing Power timi kongah Dr.Aung Myint Thang nih achimmi hi tha tein ruat ve tuah… “Pathian nih zawt damter khawhnak Healing power a neimi na theihmi pakhat tal an um maw? Kei cu ka thei hna, healing power Pathian nih a pekmi ka thei hna lo, na theihmi an um ahcun an min ka chim tuah uh.

Zawtnak hi Pathian nih adamh lo ka ti hrimhrim lo nain Pathian nih zawt damter khawhnak healing a pekmi an um lo. Aho poh nih mizaw caah thla kan cam tikah Bawipa nih a theih piak hna ahcun an dam ko. Pathian sinah thla kan cam I, Pathian hna atlak I a kan leh ahcun damlo mi nih damnak an hmuh. Minung nih adamter mi si loin Pathian nih adamter mi asi”. video zohnak

 

“Pathian nih zawt damter khawhnak laksawng/gift apekmi minung aho tal an um maw… Laksawng timi cu acotu ta asi cang caah aduh poh in a hman khawh, kanmah ta asi cang caah kan duhnak ah kan hman khawh. Nain healing power timi cu Gift timi asi lo. Pathian sinah damlo caah thla kan cam tikah Bawipa hnatlak ahcun Amah nih vancung in mizaw kha a rak damter mi tu asi deuh. Vawleicung ah healing power timi hi Pathian nih minung sinah laksawng bantuk in a pe hna lo, apekmi zong ahohmanh an um bal lo” tiah achim.

Timothy apaw afah ah khan Paul nih healing power anei mi sinah va kal a ti loh, ti lawngte in ding hlah, Wine kha tlawmpal in va ding tiah a ti. Cu caah Pathian nih minung sinah healing power a pek timi hi si loin, Bawipa nih ka hal uh kan pek hna lai ati caah aho poh nih thla kan cam tikah Bawipa hnatlak ahcun mizaw cu an dam ko lai.

Healing power a nei tiah timi tampi covid in a thimi an tam pi ko. Laimi chungah ahodah zawt damter khawhnak power a pekmi cu kan um taktak maw,,, holhtheihlo ahmangmi cu nan tam taktak, Bawipa Aw ka thei atimi nan tam taktak, asi ahcun ahotal healing power a neimi nan um maw ka chim tuah uh…