Zu sa hi Na Uar Tuk Sual Maw, Apoi Taktak Lai Hih

Hong Kong University nih damlonak kongah hlathlainak an tuah tikah minung ka caah tihnung zawtnak tam deuh hi saram in a chuakmi a si tiah an ti. Kum 56 mizaw cu siizung ah an zohtikah hepatitis E zawtnak a ngei tiah an ti. Mah hepatitis timi hi thin/liver zawtnak a si. Zeitidah a si ti ah cun, thinro, thinlian tibantuk phun zawtnak a si.Tihnung a sinak pakhat cu, hepatitis E nih hin minung fawi tukin chonh khawh a si caah a si.

Mah zawtnak hi khuika in dah a rak hnga timi an kawl tikah Laimi nih kan uartukmi zuu in aa thawkmi a si tiah an ti. Mah hi hi rat-human tiah an ti. Khuapi ah kan hmuh tawnmi zuu pawl khi tihnung tak takmi cu an si. Khuapi ah cun, lampawng athurhnawmhnak, ek lakah, tilu luanak pawngkamah, tibantuk in fihnung tak tak asimi hmun ah zuu tampi an um hna. Laitlang dirhmun in chim ahcun, inn zuu pawl khi an si.

Inn zuu cu ekinn chungah alutchuakmi an si. Zanah innchungah belkheng heh tiah arawk thanmi, kan lungthu tappi tiang adap dihmi an si.  Mah zuu pawl nih khin fawi tein kan chimmi hepatitis zawtnak hi minung a chonh khawh tiah Dr. Siddharth Sridhar nih achim. “Suddenly, we have a virus that can jump from street rats to humans,” said Dr. Siddharth Sridhar. Mah zawtnak hi zeitindah minung cungah fawi tukin a kai khawh ti ah cun, zuu nih a tonghmi dinti, eidin pakhat khat cu minung nih tawlloin kan ei, kan din ve tikah mah zawtnak hi fawi tein ilak khawh colh a si tiah WHO nih an chim.

Mah hepatitis (HEV) zawtnak hi vawleicung ah an tamnak le aa awtnak hi China a si thiam thiam tiah theih a si. Hong Kong zongah zeimawzat mah hepatitis E in a zawmi an um cang hna. Mah zawtnak hi cu, minung  nih tha tein kan din ei kongah kan iralrin ko ah cun zawtnak kai timi hi a har ngai ngaimi a si. Tutan ah kan langhter mi zuu hi athurhnawmhnak ah a um mi kong asi deuh, thingai theh i inn zuu hna biatak tein a eimi kan tam ti sualnak hnga lo iralrin atha.