Zinghmuh Operation ah Ramchung Kan Mirum Hna Cawl Ve Cang Uh

CNA nusaltha Biak Biak biachim cu atha tuk hringhrang. Atimi cu, Ram caah rian atuanmi vialte  kan nun lio caan te ah hin ram dawtnak thinlung rak ngei ve law na chawva rak tho.  Min Aung Hlaing adohtu vialte hna kan thih dih hnu hna ah ram dawtnak thinlung hna na nei sual lai, atu te hi ram na dawt khawh caan asi. Kan dihlak tein kan miphun caah tuanti ko hna usih.

Tutan ah hin lawm/chom kanin roih hna, rak kan chuah hnawh ko uh, Zinghmuh operation ah hin hmunkhat lungrual tein kan tuanti hna lai. Nihin ah kan in cham kho rih hna lai lo, teinak kan hmuh tikah kanin cham hna lai.  Cun, ramchung kan mirum vialte hna zong dai tein um hlah uh, lawm kanin roihmi hna ah hin ra chuak ve uh, rak ithawh ve uh tiah ati.

Kaphnih Kahdohnak Um Lo In SAC Ralkap Nih Minkin Peng Ah Bomb An Thlak Caah Ngakchia Telh In Mi 6 Nunnak Liam. Sagaing ramṭhen, Minkin peng Pihkaya(ပိက္ခရား) khua cu SAC ralkap nih kaphnih kar kahdohnak um lo in vanlawng in bomb thlaknak a tuah caah tualchung mi an nunnak a liam tiah theih a si.

May 4, chunhnu suimilam 1:00 hrawng ah vanlawng 1 nih ngiatthlainak a tuah i a dang vanlawng pakhat nih bomb a thlak, cu hnu minutes tlampal a rau ah a dang vanlawng pakhat nih kahdohnak a tuah tiah theih a si. ” Sianginn le phungki sianginn pawnghrawng cu vanlawng in voi thum tiang kahdohnak an tuah, voi khatnak ral tuknak vanlawng nih bomb a thlak ah khuami hna cu an zaam manh caah nunnak liam mi zong an tamtuk lo nak asi.

SAC ralkap nih jet fighter hmang in bomb a thlak ruang ah nunnak liam mi hna chung in ngakchia le tar zong an i tel” tiah Minkin battalion 5 in ralkap Ai Oo nih a chim. Nunnak liam mi hna chung ah kum 12 tang ngakchia zong an i tel i, an min le an sining dikthlir cu taan takmi an chungkhar himnak caah langhter a ngah rih lo tiah a chim.

SAC ralkap nih van lei kahdohnak a tuah ruang ah suaknak ngei lo tualchung mi 3 cu hmakhat te ah an nunnak a liam i, adang 3 cu hliamhma fak an tuar hnu ah an nunnak a liam. Cu pin ah hliamhma fak a tuar mi 15 an um i an nun humhimnak caah thinphang an si ko tiah theih a si. Tutan ah SAC ralkap nih van lei kahdohnak a tuahnak hmun hi Pihkaya khua a si i, cu ka khua in meters 100 aa hlatnak ah pyusawhti tampi an umnak Ma Oo khua a um.

Ma Oo khua cu tualchung hriamtlai phu nih atu le atu kahdohnak an tuah lengmang hna caah, cu ka khua he aa naihnak khua hna cu SAC ralkap nih atu bantuk in van lei kahdohnak an tuah hi a si kho tiah ralkap Ai Oo nih cun a chim.