Zeiruangah Dah Bible ah A Um Lomi Sunday ni Cu Zarhpi Ni ah An Hman

Home

BIA HALNAK LE BIA LEHNAK

1). Zeiruangah dah Khrihfa Zumtu Vialte nih Baibal ah um lo mi Sunday ni cu Zarhpi ni ah an hman?
Ans: Rom Siangpahrang Constantine le RC Pope Sylvester (1) nak nih AD 321, March 7, ni ah Shabath zarhpi ni cu Sunday ni ulh ding in an thlen i a ho hmanh sunday ni cu Pathian biaknak ni le Zarhpi ni ah nan hman hrimhrim lai tiah nawlbia an chuah caah an hman mi a si. Hi bia laknak:
ZUM KO CANG, p-47 by Rev.Fr. Perter Thawng Mung Roman Catholic Church, Reffered from Church History P-380.

2). Hlan lio Khrihfa Zumtu hmasa hna nih Shabath ni ah maw Pathian an rak biak? Sunday ni ah dah an biak? Ans: Hlanlio Khrihfa Zumtu hmasa hna nih Pope Sylvester (1)nak le Rom Siangpahrang Constantine nih sunday ulhnak nawlbia thar an rak chuah hlan AD 300/ tiang cu Baibal umning tein Shabath ni cu Zarh pi ni ah an rak hman. Sunday an rak hmannak Baibal thar ah hmuh ding a um lo.
Hi bia laknak: The Catholic National July 1895, P-44

3). Zarh khat chung i Nisarihnak Shabath ni cu Pathian nih mi zei ca’h dah a ser? Ans: Shabath cu minung caah pei ser a si cu, tiah Bawi Jesuh nih Mark 2:27, ah a chim. Judah mi le Jentail mi hna caah ka ser a ti lo. Shabath cu minung ca long bak ah ser mi a si. Pathian cu minung Pathian a si. (Matt 22:32). Lai Baibal Cathiang

4).Baibal biakam thar ah Shabath ulhnak hmun zeizat ah dah a um? Cun Sunday teh hmun zeizat ah dah a um ve? Ans: Shabath ni cu Hmun (55) ah a um. Cun sunday cu Baibal biakam thar ah hmun khat hmanh ah a um ve lo. Bia laknak: Lai Baibal Cathiang

5). Ho nih dah sunday ni cu zarhpi ni ah a fehter i cun Rom Cozah nih zung khar ni ah hmang cang seh tiah nawlbia thar a rak chuah? Ans: Rom Emperor Constantine le RC Pope Sylvester (1)nak hna nih AD 321, March 7 ni ah nawlbia an chuahnak thawngin sunday ni cu Zarhpi ni ah fehter a si i Rom cozah nih Zung khar ni (holiday) ah a hun fehter. ” ZUM KO CANG” P – 47, by Rev. FR. Peter Thawng Mung, Roman Catholic Church – Credit : Rabbi Ephraim Lian Rum