Zawngtah A Ei Tukmi Nih Hihi Philh Bak Hlah

Zawngtah hi Laimi lawng si loin Asia lei minung nih cun kan duh deuh ngawt ko rua. Laimi nih kan duh taktak mi meh phun asimi zawngtah hi ngandamnak kong ah atha hrimhrim lomi asi. Ahleice in thahrifah a ngeimi nih cun ka khat zong ei chin lo ding asi.

Thahrifah a ngeimi nih ei ah cun ei zan lila ah thahrifah a puang colh kho. Thahri a phinter dih, taksa, kut le ke a hih ter dih, kutke lawng si loin takpum piin a rihter i cuticun thahrifah a zualter. Thahrifah zawtnak a ngeilomi zong nih tha tein ngia ulaw zawngtah nan ei thaizing nan thawh ah khin nan takpum a rit hrimhrim lai.

Cu cu zawngtah kha a Vitamin a thattuk caah si loin minung ngandamnak he aa ralmi thingthei a si caah si. Thahrifah a ngeimi nih zawngtah pehtlai deuh in na ei ah cun na thahri nih a celh lai lo i, na caah tihnung thinphang dirhmun na phan kho.

Na thahri fah buin zawngtah pehtlai in na ei lengmang asi ahcun, zennak dirhmun tiang phanh a fawi tuk. Cu caah zawngtah hi cu zeikhom asi ah ei loin hrial khawh cio izuam ko hna usih. Kan pum hi kanmah nih kan dawt lawnglawng ah adammi asi lai. Cu caah zawngtah phunphai hi cu thahrifah le pawfah a ngeimi nih cun hrial hram ko uh.