Usman: Phu Ihlam Dingin Ka Ra Kir Colh Lai

Home

Aa Lungsi kho hrimhrim lo, Nigerian American UFC Champion Kamaru Usman cu UFC 278 ah Edwards nih adonghnak round 5 nakah knock out bakin a tei. Round 4 chung an I thuatnak vialte zohtikah Usman nih a tei deuh tuk ko nain Usman hi a vanchiat caah asi. Ewards nih kehlei kut in thongh avun i tim bantuk in aa umter I Usman nih hlen a vun timh bakah Ewards nih kehlei ke in Usman beek ah achuih I, lungfim loin Usman cu aa teng.

Usman nih a chimmi cu, Ewards hi ka dironht than lai, atu cu phunhlam/teirulcham asi lai I, Champion taisawm hi ka sin a phan than lai tiah a chim. Usman hi kum 3 chung bak Champion taisawm aa tlaih i, ahohmanh nih an chut kholo mi asi. UFC ah voi 15-0 in Champion a si nain Ewards nih a tei caah 16-1 asi cang.

Usman cu aa cenat/aa lungsi kho lo tuk caah Phuhlam ding, teirulcham ding in ka ra kir zau lai tiah Instagram ah a tial. Zeitikdah dah asi lai ti belte afiang rih lo. Usman nih Ewards cu challege tuah than ko hmanhsehlaw Ewards nih rem a ti lai maw, a si loah midang he ithongh ding in puai a ngei lai maw tibantuk kha a biapi mi cu asi.

Usman nih challenge ko hmanhsehlaw Ewards nih midang champion he ithongh a duh rih ahcun caan a rau khomi asi. Nain, Ewards nih Instagram ah a tial ningah cun, “rak kir than hmanhlaw knock out in kan tei cang caah mipi nih na cungah zumhngamnak an ngei ti lo” tiah a ti ve.