Tu Lio Rampi Buainak ah Hin Ithawh Uh, Nan Samh Khawh Chungin Na Kut Zong Samh Uh

Home

MISSION RIAN FAWH KAN ȚUAN PAH HI- Tu lio kan rampi buainak hi, mission mitin ka cuan i, BAWIPA nih kan Miphun ningin Mission rian chungah a kan luhter i thlarau lo a kan vahter cuahmah ka ti! Hi thlarau lo vah (kan ram buainakpi) a dih hin, thlaici tuh caan le a theitlai kan zuun caan zong a ra lai! Rai le ral le mangțaam hna hi, BAWIPA lamkaltu hmasa an si i, hi hnu ahhin, BAWIPA Velngeihnak le Zaangfahnak nih a zulh lai! Cun, Velngeinak THLARAU cu mitampi toih an si lai i THIANG THLARAU rianțuannak le cawlcanghak cu ram chungah faakpi in a um te lai.

Cucaah, BAWIPA rianțuan awk caah i tim u law i thianh tuah u. Thlarau mitin khua cuan tuah u. Dawtnak rian caah nan kut samh khawh chungin hun samh tuah u. BAWIPA nih bia a rak ka kamhmi pakhat cu, “Martar nun a ngeimi mino tampi ka thawhter hna lai,” ti hi a si. Cu hna cu mission thlarau lo chungah nunpeekin, BAWIPA rian a țuantu ding cu an si. Myanmar rampi hi kan mission lo pil a si. KHRIH lamkaltu-sal Tluang Lian (Martar)