Trinity Zumhnak Cu Khuachia Riantuannak Hrimhrim Asi

Home

Ephraim Lian Rum nih John Fready ca tialmi ah Comment pakhat a pek. Mah a comment ahcun Trinitu Cawnpiaknak cu Setanlogy asi ati. Asullam cu Setan cawnpiaknak asi tinak asi ko. Amah comment ning tein copy paste kan tuah lai: “Na hun țial mi cu a țha ngai. Theih kauhnak zong a si. Trinity zumhnak cu Khuachia rianțuannak phun khat cu a si ko. Zeicahtiah cun Baibal cathiang chungah a um lo. Lamkaltu hna chan zongah an rak i Cawnpiak bal mi a si lo. Trinity Dogma cu Setanlogy hrimhrim cu a rak si”.

 

John fready- Jun 22,23, 2022 mizo ram ah Dr. P.C Biaksiama le Rev. Thangliansanga Trinity or Oneness debate tuah ding cu, Laimi nih kan rak i ngaih ngai ve le. An bia umkal te dan ding cu a tlangpi theih cia khawh si ko.

Zan khatnâk ; Oneness lei in Rev. Thangliansanga nih baptisma le khamhnak â pehtlaihnâk, Bible cacâng hna cu a chuahpi lai i, Jesuh min in tipilingnâk Bible cacâng hna cu chirhchanh ah a langhter te lai. Trinity lei in Dr. PC biaksiama khi baptisma kong ah ti ah â hnim lomi , ngakchiat lio ah a thlerh in thlerh mi, presbyterian bu ah a ummi si i, Pa le Fapa le Thiang Thlarau min in ti â thlerh mi an si caah, Bible cacâng chirhchanh ding câng khat te zong chim awk a ngei te lai lo.

Thawngtha bia a zum i tipilnâk a ing mi paoh cu khamh an si lai, ( Mrk 16:15,16 ) ti hi, annih nih cun , kan ngakchiat lio ah kan ing chang, an ti mei. Cucaah baptisma kong ah Rom 6:3,4 khi chirhchanh ah i lak in ti i va hnim a biapit lem lo nak a chim te lai.( Lairam Trinity pawl he cun an i khat lai lo, tinak si phawt. ) Ti chung thengtheng ah va hnim ding sisehlaw, ti umlo nak hmun ah teh, zeitindah an tuah lai, tiah, Minung bia al thawng phun in bia halnak hna â tuahter te lai.

Cun, lairam i Trinity pawl nih an aupi mi , baptisma cu a petu nih Pa Fa Thiang Thlarau min in a pek lai i, a ingtu nih Jesuh min in ka ing tiah a pom lai, ti phun cu a chim lai lo, zeicahtiah, mah bantuk lualaa teory a pommi a si lo.
Thawngtha zumh le tipiling â pehtlaihnâk biapi ah a chia lomi an si caah baptisma cu zumtu hmelchunh pakhat bantuk men in a chim fawnte lai.( tuah lo zong poi lo tinâk mu. )

Zan hnihnak ; Trinity le Oneness- Thumkomh Pathian le Pathian pakhat kong zong ah, Pathian hi thumkomh bak a si, tiah â tialnak Bible câng kut dong sawh ding a ngei fawn lai lo caah, Pathian hi thumkomh bak in kan pom i kan zumh a hau, tiah, EISEGESIS hna pawl bantuk in Bible câng hmun tampi fonhtonh in a tang than te lai. ti in â tial timi Bible cacâng tucu a sawh kho fawn lai lo.

Pathian pakhat ah Mi pathum an um, timi Bible cacâng cu a um lo caah, 1 Joh 5, 7 hi a sarmon than ve te lai. ( these three are one, timi hi, these three person’s are one, ti phun in, a ruang cu, Trinity nih mah pin sarmon ding dang Bible cacâng an hmu rua lo. )

Rev.Thangliansanga nih Pathian pakhat kong le Jesuh Khrih min in tipilingnâk le khamhnâk kong cu Bible cacâng bak in langhter kho hmanhsehlaw, mizoram le lairam mipi tam deuh u cu Trinity zumhnâk tlaihtleng â tlaih mi an si caah vawlei fimnak le Bible thiam sawh in a thiammi Dr. PC biaksiama bia chim cu an uar deuh thiamthiam te ko lai.
Bible nih hitihin a rak chimchung mi a um.

( Hmailei ah cun mi a cheu nih zumhnak kha an hlawt lai i lih a chimmi thlarau tu kha an bia an ngaih hna lai i khuachia cawnpiaknak kha an zulh lai, tiah Thlarau nih fiang tein a chim. 1 Tim 4:1 ) ( Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai. Biatak kha an kaltak lai i minung tuanbia tu kha ngaih an duh deuh lai. 2 Tim 4:3,4 )

Dr. PC biaksiama nih church history zei maw zat a chim te lai i, Bible kung dong sawh dingtu cu a thei theng te lai lo.
Zeiruang ah, Pathian pakhat ah Mi pathum an um, ti le, Pa le Fapa le Thiang Thlarau min in ti i thlerhnâk cu kan Bible ah a um hrim a um lo caah. Sihmanhsehlaw Bible thiam upa lungfim ca tu ah cun tutan hi Pathian pakhat lawnglawng kan ngeih zia le cu Pathian cu Pumsa in â phuan zia a cu a fiang ngai te lai.

Cun, Tipilingnâk kong ah Pa Fa Thiang Thlarau min in tipil ingnâk cu a biapit lo zia PC biaksiama bia in â thei te lai I, cun, hawi hnu i tuah than mi a si zia zong a fiang pin ah , Bawipa Jesuh Khrih min in tipil ingnâk cu Bible ah a ummi a si zia le Lamkaltu hna doctrine a si zia , fiangtein a lang te lai. Zoh te ko hmanh u, Bible thiam pawl nih cun , Baptisma kong an chim tik ah a petu le a ingtu phun dang in an chim te lai lo,

Pa Fa Thiang Thlarau min in tipil ing Kong an chim ahcun a petu peknak â tel colh ti kha an pom ning si colh ko.
Jesuh Khrih min in tipil ing an chim zong ah a petu peknâk â tel colh ti kha , an pom ning thiam thiam si colh lai.
Laitlang lei Trinity Saya te phun in , a petu nih Pa Fa Thiang Thlarau min in, a pek lai, a ingtu nih Jesuh min in ka ing tiah a pom lai ti phun, mi hlennak teory an hmang ve lai lo.

Debate an tuah ning ding hi, bia al phun kha umter lo an zuam lai caah, ho chimmi dah Bible he â tlak deuh ti phun in chimter an timh hna lai caah, Bible kut dong sawh in i tei ti a um lai lo. Tutan debate cu Bible ning tein teitu a simi zong kha, mi zâpi lungthin ahcun tei lotu si khawh si lai, a ruang cu, a hmun um cân tlaitu hna le bia tlangzamh piaktu hna nih, bia donghnak chahpiak le teitu chim phuan a um lai lo caah, mi zâpi uarphun in bia a thiam deuh mi paoh cu zapi nih uar a si te ko lai.