Timit Operation Thlakhat Renglo Asi Cang, Nihin Tiang An Iphomh Cuahmah Ko

Home

Thantlang peng chungah ralhrang luh than an itim ruangah Timit hlei donh dingin cunglei order cu ralhrang nih tlamtlinter an i tim peng caah nihin tiang Timit pawngkam kahdohnak cu thlakhat renglo asi cang. Kan pasaltha hna an rethei ngaingai cang. Ramlak ah ruahsur lakah, fikfa le cangvat lakah heh tiah ral an doh peng. Atu hi an uniform hmanh nih a celh ti lo, an kedanh a ttet dih cang, an angki leng/ water prove zong a ttet man dih cang. An ke tang vialte a kok dih cang.

Cutluk cun miphun le ram caah anĀ  tertuar. Sa le ral lak asi caah Rawl ttha tthi an ei ti lo. Timit raldohnak hi a biapi taktak mi asi tiah biachimnak nawlngeitu Pu Htet Ni zong nih a rak chim cang. Nihin tiang ah ralhrang a thimi 60 hrawng an si cang. Kan ralkap hna nih an thazaang dihlak chuah in ralhrang hi kham peng an timh hna. Thlacamnak in bawm peng rih ko hna usih.