Timit Operation i Pasaltha Hna Caah Phaisa $25000 Hrawng Achuak Cang

Home

Timit Operation ah hin kan ralkap hna an ba tuk, an ba taktak cang. Ralhrang lei zong an celh ve ti lo i motor pa hnih in an chap hna ti thawng kan theih. Pathian thawng in kan ralkap hna hliam a tong mi an um na in an him rih ti khawh asi. Ralhrang lei cu an tlawttlau ngai cang. Pathian kut, a changtu ralkap hna kut, a changchin tu mipi kut ah teinak hi ai hngat ko.

Zaan hnih tlang kan au piak hna hi dollar thong 25 hrawng a chuak cang. Kan i lawm taktak.
Ralhrang lei ralkap pawl hi athi mi ai hliam mi, CDM a tuah mi van zuh ah cun zeipipa an taang ti lo, tangka i a nica i an cawk mi hna, thongtla an forh khawh mi hna, ralkap family tefa hna tibantuk pawl hi a tang mi lak ah a tam u hi si dawh an si cang.

An thazang cu vaanlei hriam le hriam ngan lawnglawng hi asi i mah bantuk in raltei khawh taktak asi bal lo. Teinak hi mipi kut bak ah ai hngat cang i kan ralkap hna nih an herh mi zenkuan le din ei biatak te i supply tuah khawh hi rian vailte lak ah a biapi cem mi asi. Atu bantuk caan i kut samh le thazang chuah a thei lo mi kan si ah cun minung taktak kan si lo bia asi ko lai. Kan pasal hawi nih zeidah an tuah ti hi rak zoh philh hna hlah usih. vaurawng zuunthil