Timit Operation cu CNA, CDF-Hakha, CDF-Lautu, CDF-Thantlang, CDF-Mara, CDF-Zophei le CJDC Ibawm In Ni 31 Arau Cang

Home

Nizan leiah ralhrang motor 3 khat tein Timit lei hmai an hoih ti thawng kan theih. Timit lei an kal taktak ko ahcun tha tein an phan cang lai. Zeitintiah Timit tlang sang bik cu anmah ralhrang kut ah a um cang caah asi. Atu hi Timit operation hi ni 31 a rau cang. Nichiar ti awk in meithal a puak, kahdohnak a um. Kan ralkap hna kut in ralhrang tamtuk an thi cang. Mah kongah CNF leiin cathanh an chuahmi a um. Atang lei ah kan thil chih-

Thlakhat Chung Timit Kiangkap Kahdohnak ah SAC Ralkap 60 Hrawng An Thi – CNF July thla 30 thawk in August 31 tiang SAC le Chin ralkap phufonh kar kahdohnak a chuak i, thlakhat chung kahdohnak ah SAC ralkap 60 hrawng an thi, tiah CNF nih cathanh an chuah. “SAC ralkap hna nih cun, Thantlang khuapi kan sersiam ṭhan lai timi tlangtar bunh in Hakha-Thanlang lampi, Chin ralkap hna nih an hrawh cang mi Timit hlei cu an siamremh i, CDF le CNA cu tei khawh an i zuam.

“Cucaah ralkap thazaang 80 hrawng he Hakha in Timit lei ah rallam an rak sial. Cu rallam a sialmi SAC ralkap hna cu Chin ralkap; CNA, CDF-Hakha, CDF-Lautu, CDF-Thantlang, CDF-Mara, CDF-Zophei le CJDC hna i bawm in ni 31 chung kan kahdoh hna. Cu kahdohnak ah cun, SAC ralkap 60 nak tlawm lo an thi i, hliam a tuarmi zong an tam.

CDF -Hakha in kan ralkap pakhat nih ram le miphun ca ah a nunnak a pek,” tiah an cathanh ah cun an langhter. SAC ralkap le Chin ralkap kar kahdohnak cu a fah deuh chin caah Kalaymyo le Falam lei ah Vanlawng le motor in SAC nih ralkap thazaang tampi a chap ṭhan, tiah theih a si.