Tial Thang nih Fawi Tukin Teinak Ahmu
Nihin ah Tial Thang cu Nicko Commissiong he All in Combat-2 ah an ithua. Tial Thang nih round khatnak ah knock out in atei colh. Tial Thang hi One Championship achuahtak tlawmpal ah thla hnih chungah LFC ah voihnih aa thua manh. Avoikhatnak ah ahohmanh nih an tei kho lomi Boxing professional champion Hernandez cu fawi tein a rak tei.
Cu hnu tlawmpal ah Tial Thang cu Commissiong he ithua than dingin hnatlaknak min a thut than I, nihin ah an I thua. Tial Thang nih 1st round ah fawi tuk in a tei. Legacy Fighting Championship ah a luhnak in thla hnih lawng asi nain voi hnih aa thong manh I a voihnih ning tein teinak a hmu. Tial Thang hi thazaang pe chin lengmang ko hna usih.
Pakpalawng Lawngte An Si Ko. Pakpalawng lawngte, pakpalawng lawngte! Zeizong vialte hi pakpalawng an si ko, tiah Phungchimtu nih a ti. Minung nih hin nilin lak le khuasa lak i a ṭuanmi rian hin zeidah a miak a hmuh? A hmuhmi um lo, a thi i a lo ko, zeihmanh ai kalpi kho lo. A kaltak i aho ta an si ti hmanh kha a hngal ti lo. Ahohmanh nih vawlei chawva cu kan nunnak a dih tikah cun kan i kalpi kho hna lo i hi vawlei ah hin kan kaltak dih hna lai . Aho ta an si dih te lai ti kha kan hngal lai lo. Atu kan umnak inn le lo le kan țuan cuahmahmi rian hna hi kanmah ta ah kan rel men lai. A taktak le a ngaingai ahcun zei taktak hmanh hi kanmah ta an si lo.
Voikhat cu khua pakhat ah pa pali an um i an pali tein innchungkhar pawcawm nakding le khuasak nakding kong ah siseh, rian kong ah siseh an si khawh tawk cio in an i zuam i an cawlcang cio hna.
Mipa pakhat cu kum no te a si in rian a țuan i kum 25 a si ah a rum ngaingaimi kampani ngeitu a si. Asinain kum 50 a si ah cu pa cu a thi. Mipa pakhat ve cu a no lioah rian ai hmuh kho ve lo. Rian a kawl lengmang i kum 50 a si ah rian a țuan i a rum ngaingaimi kampani ngeitu a si ve. Mah pa zong cu kum 75 a si ah a thi ve.
Cu bantuk țhiamțhiam in cun mipa pakhat cu kum 25 a si ah nupi a nei i a nupi le a fale he tiin nuam tein khua an sa. Mah pa zong cu kum 50 a si ah a thi. Mipa pakhat zong a no lioah nupi ai hmuh kho ve lo i kum 50 a si ah nupi a țhi. Cuticun a nupi le a fale he tiin nuam tein khua an sa ve. Asinain mah pa zong cu kum 75 a si ah a thi ve.
Biahalnak: Mah minung pali ah khan ahodah nun man a ngei bik na ti i ai nuam bikmi a si hnga tiah nang na ruah? Hlawhtling te le nuam tein an um caan kha kum 25 cio a si. Kum no tein rian he nupi le fale he a ummi maw asiloah kum upat hnuah rian he nupi le fale he a ummi dah? Kaa nuam tuah lai, lunglawmh timi hi a sullam zeidah a si ka kawl tuah lai, ka ti. Sihmanhsehlaw hi zong hi pakpalawng men a si ko.
Phungchimtu 2:1 Cucaah nunnak hi ka caah sullam zeihmanh a ngei lo. Zeicahtiah harnak dah ti lo cu zeihmanh a ka pekmi a um lo. Pakpalawng men a rak si ko. Thlitu men ka rak dawi ko. Ni toi i rethei ngaiin ka ṭuanmi ka rian vialte le ka hmuhmi thil vialte hi ka caah sullam zeihmanh an ngei lo; ka hnu i a rung um ding hna ca i ka chiahtak ding men an si kha ka hngalh. Phungchimtu 2:17-18 Zeizong te hi pakpalawng lawngte an si ko. A reltu Bawipa nih thluachuahnak in pe ko hna seh.
Dinnak kha a cat lomi tiva bantukin luanter camcin ko u (Amos 5:24). Salai K. Biak Lian Thawng