Thiang Thlarau Sining Fiang Tein Chim Fiannak

Home

Thiang Thlarau kongah;- ✅ Dawtmi u le nau hna Thiang Thlarau kong hi a hngal ve rih lomi kan tam caah cu Thiang Thlarau kong cu a thar in zoh ti hna hna u sih. Cu bantukin Thiang Thiang kan timi cu Pathian pakhat ah Mi pathum a ummi cun van ah hngalhpitu pathum a ummi hna lakah Mi pakhat a si ti kha theihter kan duh hna ee. Cucaah cun dahkaw Jesuh Khrih zong nih;-

  • 1. Thiang Thlarau nih ka kong an chimh hna lai tiah a rak kan ti. ( Johan 15 : 26 )..
  • 2. Thiang Thlarau nih a ka thangthat lai tiah a rak kan ti fawn. ( Johan 16 : 24 )..
  • 3. Thiang Thlarau nih an umpi hna lai, an tanpi hna lai, fim le biatak an chimh hna lai tiah a rak kan ti fawn rih hih. ( Johan 14 : 16/ 26 )..

✅ Hi vialte hna nih hin Thiang Thlarau hi Pathian pakhat ah Mi pathum a ummi cun van ah hngalhpitu pathum a ummi hna lakah Mi pakhat a rak sinak cu a langhter ko. Cun Thiang Thlarau kongah hin Bible Cathaing nih siseh, Jesuh Khrih nih siseh, Amah a rak zultu si hna seh, cun lamkaltu Pual zong a siah hiti hin an rak hman ve tawn. Cu hna cu;- Thiang Thlarau chimnak canai ah;-

  • 1. Bible Cathiang nih, “Pathian thawnnak,” tiah a hman. ( Genesis 1 : 2 ), ( Isaiah 42 : 1 )..
  • 2. Mathai nih, “Pathian Thlarau {or} ka Thlarau,” tiah a hman. ( Mathai 3 : 16 ), ( Mathai 22 : 18 )..
  • 3. Lamkaltu Paul nih, “Pathian Thiang Thlarau,” tiah a hman. ( Efesa 4 : 30 )..
  • 4. Lamkaltu Paul nih, “Fapa Thlarau,” tiah a hman. ( Galiti 4 : 6 )..
  • 5. Lamktu Paul nih, “Jesuh Khrih Thlarau,” tiah a hman. ( Filipi 1 : 11 )..
  • 6. Lamkaltu Pual nih, “Jesuh Thlarau,” tiah a hman. ( Lamkaltu 16 : 7 )..
  • 7. Lamkaltu Paul le Peter nih, “Khrih Thlarau,” tiah an hman. ( Rom 8 : 9 ), ( 1Peter 1 : 11 )..
  • 8. Cathiang le Luke le Lamkaltu Paul nih, “Bawipa Thlarau,” tiah an hman. ( Judges 6 : 34 ), ( 1Samuel 26 : 14 ), ( 2Chanrelnak 20 : 14 ), ( Lamkaltu 8 : 39 ), ( 2Korin 3 : 17 )..
  • 9. Lamkaltu Paul le Mathai le Johan nih, “Thlarau,” tiah an hman. ( Mathai 4 : 1 ), ( Johan 7 : 39 ), ( Rom 8 : 26 – 27 ), ( 1Korin : 2 : 9 )..
  • 10. Lamkaltu Pual le Johan nih, “Sunparnak,” tiah an hman. ( Johan 17 : 5 ), ( Rom 8 : 39 ), ( Johan 1 : 14 ), ( Kolose 3 : 4 )..
  • 11. Jesuh Khrih nih, “A Thlarau,” tiah a hman. ( Mathai 12 : 18 ). Hihi Cathiang chungah Isaiah nih a rak phuanmi fianternak a si. ( Isaiah 42 : 1 )..

✅ Hi vialte hna hi Pathian pakhat ah Mi pathum a ummi cun van ah hngalhpitu pathum a ummi hna lakah pakhat a simi Thiang Thlarau chimnak kha a rak si. Amah cu Thlarau pum a si nakin minung nih hmuh khawh lomi Pathian hrimhrim zong kha a si caah hin hi vawlei nih a hngalh lonak cu a rak si ee. Asinain zumtu minung hna kan chungah amah cu a um caah zumtu dik takmi hna nih cun amah cu kan hngalh. Cucu Jesuh Khrih zong nih, “Ka Pa kha ka hal lai i Bawmtu a dang, an pek hna lai i a zungzal in an umpi hna lai. Amah cu biatak Phuangtu Thlarau a si; vawlei nih cun a hmuh lo ca le a hngalh lo caah a cohlang kho lo; sihmanhsehlaw amah cu nan sinah a um i nan chung i a nun caah nannih nih cun nan hngalh,” tiah a rak kan timi kha a si. ( Johan 14 . 16 – 17 )..

✅ Khrih ah dawtmi u le nau hna mi tampi nih cun Thiang Thlarau kong hi kan hngalhfian taktak rih lo caah hin Pathian Thlarau timi kan hmuh a si ahcun JAHOVAH Pathian kan Pa i a Thlarau phun ah khan kan ruah colh. Hihi a dih ko taktakmi a si. A taktak tiah cun amah JAHOVAH Pathian kha Thlarau a si. ( Johan 4 : 24 ). Cun Fapa Thlarau {or} Jesuh Khrih Thlarau {or} Jesuh Thlarau {or} Khrih Thlarau timi kan van hmuh bakah khin amah Jesuh Khrih kan Bawipa i a Thlarau taktak ah khan kan ruah hawi. A taktak tiah cun Fapa Jesuh Khrih cu Pa sunparnak pum in thawhtermi a rak si bantukin a Thlarau nih a chuah tak than a si ah khan cun a thi than ko hnga. ( Jeims 2 : 26 ). Cucaah kan hngalh awk a simi cu JAHOVAH Pathian cu vancung khua ah a ummi a si. Cucu amah hrimhrim nih van hi ka thutnak a si tiah a rak ti. ( Isaiah 66 : 1 )..

✅ Cu bantukin a Fapa Jesuh Khrih zong hi thihnak in thawhter a si hnu ahcun JAHOVAH orhlei kamah a thumi le a kan nawlpiaktu kha a si. ( Rom 8 : 34 ). Cun a kan tanpitu zong a si fawn. ( 1Johan 2 : 26 ). Asinain nihin ni ah kan sinah a um zungzalmi tu hi cu Pathian pakhat ah Mi pathum a ummi cun van ah hngalhpitu pathum a ummi hna lakah Mi pakhat a simi Thiang Thlarau kha a si. Asinain zeitindah kan chim khawh tiah cun JAHOVAH Pathian nih Thiang Thlarau hmangin a kan umpi kan ti khawh i cun kan Bawipa Jesuh Khrih zong nih hin a biakam bantukin tein Thiang Thlarau hmangin a kan umpi zungzal ee tiah kan ti khawh thiam ko. Zeicatiah cun Jesuh Khrih nih, “Nan sinah a zungzal in caan dongh tiang ka um lai, “ tiah a rak kan ti kha. ( Mathai 28 : 20 ). A biathiang aa hrawm khomi zumtu nan dihlak cungah Pathian um zungzal ko seh.. Thank You For All, Johnly Fambawl