Thantlang Sakhan Um Ralhrang nih Zeibiadah An Chim

Home

Tulio dohthlennak hi that lei a panh lo, ralhrang cawlcanghnak zohtikah a zual chin lengmang. Inn le lo vialte khangh dih cang mi, satil arva vialte thah dih cangnak Thantlang khua cu inntek pakhat hmanh an um ti lo nain atu tiang ralhrang nih an hngah peng. Thantlang ralhrang sakhan ah a um mi ralhrang hna biathli cu lenglei achuak. Zeitindah an chim ti ahcun, Sakhan ah hin ralhrang hi minung tlawmte taktak kan um.

Sakhan ah hin minung 15 hmanh kan tling lo, chimtlak lote khi kan si. Lengah kan chuak ti lo i sakhan khur chungah cuticun kan um dih ko hna. Ei din facang kongah kan lungre athei lo, meh tu hi sapherh lawngte kan nei. Palek hi CDM tuah kan duh tuk ve. Nupi le fale zawnruah lo in, CDM tuah usihlaw mi pakhat nih meithal zun 3 hmanh kan chuahpi kho ko hnga. Kanmah nih CDM tuah duh tuk ko hmanh usihlaw chungkhar pawcamnak kan ruah than tikah kan ngamh hoi lo.

CDM atuahmi hna hi ei din kongah an lungrethei tuk cio, tha tein an zohkhenh kho hna lo ti kan theih caah CDM tuah hi kan duhtuk ko nain kan ngamh lo. Cu ruangah nihin tiang kan um peng nak a si ko. Cun, Thantlang sakhan kan umnak hi zeihmanh hnahnawhnak pek kan si lem lo tikah cuticun kan um ko. Sakhan chungah cun cuti thinphang tuk in kan um lo. Pakhat kan harsatnak cu Dinti kan harsa ngai. tiah an chim. Mah thawngpang hi CDM atuahmi nih Thantlang palek ahawile phone an ichonhnak biathli asi. update