Thantlang Kahdohnak Pasaltha Hna Zoh An Nuam Bak Hih (VIDEO)

Ralhrang nih an khangh dih cangmi kan khuapi pakhat Thantlang cu nihin tiangah ralhrang nih an chuahtak duh lo. Ralhrang a ummi hna cu pasaltha hna nih an kah peng ve hna. Thantlang kahdohnak ah kan pasaltha hna hliamtuar le nunnak a liammi zong an um len cang hna. Ikahnak video clip pakhat kan thil mi hi ra zoh ve- video zohnak

MDF KONG – Nihin ah MDF nih thawngthanhnak pakhat an tuah. An timi cu, Kanmah MDF uknak hmun ram chungah fimcawnnak sianginn cu May 1, in kan on cang. Kan penmi Mara ram khuate 7 ah sianginn tha tein on asi cang. A rauh hlanah June thla chungah Mara hmunram khuate vialte ah sianginn on khawh dih ding in timhlamhnak kan ngei tiah an ti. nMDF hi kan theih bantuk in CNA he ifonh in riantuan ttimi an si lo, CNA thithruaimi CDF he zong riantuanti an si lo. MDF cu India Mara he Kawlram dohthlennak kongah riantuan tti aa tim mi asi.

MDF headquater cu Saiha khuapi ah a si I, Meeting an tuah tik caan poh ah Saiha Mara hruaitu zeimawzat he khuakhannak a tuah pengmi an si. MDF cu India Mara he ifonh in a dirmi an si caah Chin ramchung Mara tampi nih an pawm hna lo I, CDF-Mara zong nih an policy a pawm lo. Chinram le Chin miphun sinak min aa bunh duh lomi an si tiah theih an si. Thil sining hlat hnu ah tulio dohtlennak ah zanchiar a aumi VAURAWNG zong nih a dirkamh lo. Vaurawng nih cun CDF-Mara lawng a dirkamh.

Nihin an cathanh zohtikah Mara ramchung ah buainak a chuak than lai lo ti ahohmanh nih chim khawh asi ti lo. Zeitintiah, MDF nih Mara ram uk dih I, anmah control nak tangah chiah dih an duh bantuk in CDF Mara nih Chin ramchung Mara vawlei cu kanmah ram asi tiah an ti ve. Mipi caah riantuan tu si veve ko nain cuhlan bantuk in CDF-Mara le MDF karlak ah hriamnam thazaang hman caan a phan khomi asi. Cu cu fiang tein HMUH CHUNG MI a si. MDF cu Pu Htet ni le Dr.Sasa nih an dirkamh lomi phu an si.