Suu Kyi le Win Myint nih NUG/CRPH dirh An Duh Lo

dailychin Home

ROLING KAN CANG KO HIH. Credit: MC Biak Lian SUUKYI LEI NLD NIH NUG / NLD AN PHUAH.
(NLD chung buainak le Suukyi hal ding kong)

■■ 2021 ah Ralkap nih nawlngeihnak an lak hnuah NLD Party MP le hruaitu cheukhat nih March thla khan Committee Representation of Pyithuh Hlutdaw (CRPH) CEC / CWC member U Aung Kyi Nyunt hruaimi cu Ramleng Thailand Ramri ah an rak dirh hnuin Ko Min Ko Niang nih NUG timi Exile Cozah cu NLD hruaitu tlawmpal le an mah ṭanhmi Taingyintha cheukhat he a dinh colh ve. NUG nih hriamtlai local PDF an dirh chin i, SAC Ralkap Cozah cu hloh dingin an tuk cuahmah.

■■ 2023 Thimnak Election Phunglam thar SAC nih an chuah tikah, Thonginn tla ve / ti lo mi NLD- MP’s le Ramchung um Party hruaitu Upa tampi nih NLD Party hi Nunter ṭhan i, 2023 Thimnak ah tel ve an duh. Cucaah, Ramchung um NLD MP pawl tel an i timh caah Ramleng Zaam MP cheukhat pawl nih NLD Letter Head an fir mi hmangin Yangon CM hlun le CEC member U. Phyo Min Thein, Suukyi nih a bochan taktak mi Central Committee Members; Daw Sandra Min, U Toe Lwin le U Winmyint Aung pawl cu Exile NUG pawl nih February 3,2023 khan kan phuah hna tiah caa an rak chuah.

■■ Sihmanhsehlaw, Daw Aungsan Suukyi lei tang mi NLD EC Members U Toe Lwin nih a FB ah le News pawl sinah, Ralzam NLD CWC members U Aung Kyi Nyunt le Daw May Win Myint nih hin NLD Party chungah zeihmanh Nawlngeihnak an nei ti lo caah, NLD Phunglam 18(a) ningin Ram -leng zaam an si ca ah NLD Party an sinak dih lak he Exile MP’s poh cu dinhter an si dih cang ti’ ah a chim ve. Cun, NUG Spokesman U. Nay Phone Latt le U Lwin Ko Latt nih NLD Pages Letter Head cu an fir i, an zaampi mi asi caah atu an hmaanmi hi “AṬuh (Illegal) (Adeu)” asi a ti fawn.

■■ CNI / NP News ah a chim ning hna ahcun, annih NLD NUG aa timi pawl cu PDF forhtu Mithah Lainawng hmang (English): They’re members of the Terrorist affiliated Entity NUG) a ti hna. Daw Sandra Min zongnih BBC le News dang2 sinah CRPH/ NUG hi Daw Aungsan Suukyi nih a pom hna loh. Ni- 6 November 2021 ah Suukyi nih Sihni, Lawyer Daw Min Min Soe le Lawyer U Khin Maung Zaw hna sinah NLD CWC, NUG hi rak dirh hna hlah seh tiah President Winmyint he an pahnih in tha tein an caah/chim mi asi a ti ve. Cucaah kan nih Myanmar Ramchung um NLD MP Upa vial te nih CRPH / NUG cu Illegal pawl an si tiin kan hloh dih cang hna ati.

■■ Cun, 2023 Thimnak tel le tel lo ding kan chim loh. Amahbelte NLD Party hi SAC zongnih Official, a thar tein Registered tuah ṭhan uh an kan ti ca’ ah Aungsan Suukyi hi tlawmpal Thonginnpi ah tonnak neih kan i tim ati fawn. Cun, Politics cu Politics ning tein kan remh a herh i, tukdohnak hecun Politics hi ti khawh asi kan zum lo ati hoi. Tu a ruah hlanah mah hnakin buaibainak a chuak kho mi asi pin ah Official NLD aa timi le Exile -NLD/ NUG a timi pawl i nawn/ thah dih dawh an si cang ko rawh hih!

■■ Thonginnpi um Daw Suukyi le U Winmyint telh loin Ramchungah NLD MP’s hlun 121 an um i, Central Executive Committee (CEC) members (6 +2=8) an um i, Daw Sandra Min nih cun, tuchun ni tiang Yangon NLD Party Zungpi hi kan hawn / hngak peng ko tiah a chim. CEC tel Exile MP 2 lawng hi Ramleng ah an um i, NLD Phunghram ah CEC hi Nawlngeihnak asang bik asi bantukin Chairman Daw Suukyi lawng lawngnih a dongh nak bia a chah khawh timi a um.

■■ Ramchungah CEC a um mi hna cu, U Han Thar Myint, U Thein Oo, Dr. Myo Nyunt, Dr. Tan Myo Win, U Aungsoe, Daw Khin Htay Kywe le Thonginn ummi pawl an si i, Ramleng ah cun U Aung Kyi Nyunt le Daw May Win Myint Pahnih lawng an um. A tu i NLD / NUG nih kan chuah an timi U Toe Lwin hi NLD “Central Disciplinary Committee” Member asi chih fawn. Umm. Khuaci an mui te hnga dek maw? Zoh rih hna usih. video zohnak