Suu Kyi cu Thonginn Chungah Zankhuadei Aa Hngilh Kho Lo

Home

Suu Kyi cu Naypyidaw thonginn ah chiah asi cang. An chiahnak thonginn hi Naypyidaw in meng 4 aa hlatnak ah asi tiah theih asi. Mah kongah KTM nih alanghter ning ahcun, Suu Kyi cu a case ningin misual/sualnak tuahtu asi caah misual hna nih an zulh ding thonginn zulhphung ning tein a um ve lai. Thonginn thilthuam aa hruk  ve lai i Thonginn tirawl a ei ve lai ati. Amahbelte, ngandamnak kong ahcun amah Suu Kyi caah sibawi pakhat pek asi lai, cu sibawi nih cun ni fatin Suu Kyi ngandamnak a check lai tiah ngandamnak lei tuanvo ngeitu nih an chim. KTM

 

SUUKYI A NING TIH. PRESIDENT WINMYINT ZONG NYPHYDAW THONGAH AN THIAL LAI. (🇲🇲 Daw Suu le Myanmar Politics kong 🇲🇲) Daw Aungsan Suukyi cu SAC Ralkap Cozah nih June 22,2022 chunhnu ah khan Nyphydaw i Inn thong in Nyphydaw Thonginnpi ah an thial ti’ah SAC nih an chim. Innthong a um lio i a umpi mi -9 hna le a fapa bantuk i a zohkhenhmi a Ui te🐕 Taichido tu cu Thonginn chungah a luhpi ve hna lo.

Nyphydaw Jail chungah hin Daw Suukyi le President hlun U.Winmyint umnak ding pinah Special Court-room an sak dih cang ca’ah an thialmi asi i, Daw Suu hi Building tharah a mah te lawng kan chiah i, Thonginn zohkhenh tu Nu- 3 ( 3 female Jail Staffs) nih an bultawl lai ti’ah SAC biaphaantu Zawminthun nih a chim.

June 23,2022 ah Daw Suu le Australia Advisor Sawntaneel cu ” Ramzuarthlai nak” Cases in a vawikhatnak ca’ah Nyphydaw Thonginn chung Special Court ah biaceihnak an nei i, Friday ah hin President hlun U Winmyint, Suukyi le Dr. MoeAung hna cu 2020 Election Rigging Cases kong an ceih lai i,U.Winmyint zong Nyphydaw Jail Building tharah an thial colh lai ti’ah Jail riantuanmi sinin theih asi. Nyphydaw Jail hi Khuapi chung thlanglei kam Meng/ Miles-4 hrawng hlatnak, Thlanmual pawngah an um i Daw Suu hi a Zaan khatnak cu a um har tuk maw si,a ningttih dek si,Zaankhuadei a nghilh lo i Light a va’n peng ti’ah Jail Warden Nu nih a chim ti’ah theih asi.

Daw Aungsan Suukyi hi General SawMuang hruaimi SLOC Ralkap Cozah nih 1989 in 1995 tiang Kum-6,General Thanshwe Ralkap Cozah SPDC nih 2000- 2003 le 2003 in 2010 tiang Kum- 9 chung Innthong in an rak thlak cang. Cun,2009 ah khan amah Innthong an chiahnak ah American mi Tlangval Pakhat (Min?) nih chanh a timh nak ruangah Innsein Thonginnpi ah Thla- 3 dengmang an rak chiah bel cang. A tu hi SAC Ralkap Cozah nih Daw Suu cungah Case’s-19 an siam piak i, Cases-6 ca’ah Kum -11 thongtla dingin biachahnak an pek cang i, Cases dang he Biachahnak(Convicted) asi ah cun Kum- 150 tiang Thongtla kho mi asi.

Tutan Daw Suukyi Nyphydaw Jail ah an thial nak hi tuthla June-29-30 i ASEAN Palai(Envoy) Prad Sokhonn Myanmar ram arak thlawn hlan te’ah an thialmi asi ca’ah Daw Suu le Winmyint hi tonter an duh lo ca’ah le Ni-20 June,2022 i Suukyi’s 77 Birthday Cake an ei tti hna lio ah Pi. Suukyi nih Mipi Pakhat le Pakhat tang ti i, lung khat/ lungrual te’in rak um uh ti’ah bia a cah hna ruang zongah asi kho pinah Ralkap nih Pi. Suukyi le U Winmyint hi an fir sual lai ti’in amah Security ca’ah an thialmi zong asi kho. MC Biklian