Saya Lian Rum: Nan Thinphang Hlah Uh, Chin Miphun Kan Him Hrimhrim Ko Lai

Home

Kan Ram le Kan Miphun Luatnak Caah Israel Pathian Yahweh sinah Rawlulh Thlacamnak Moreh Manaseh Biakinn-


Kan Ram le Kan Miphun cungah zeibantuk thil tihnung hmanh tlung lo dingin thla kan rak cam mi cu a tu caan a phan cang mi COVID-19 hi a si tiin ka ruah ca’h ka rak post than mi a si. Kan Ram le Kan Miphun, Ram chung le Ram leng um mi vialte cu Nan thinphang hlah u, Kan him hrimhrim ko lai. Israel Pathian Yahweh nih a kan Zangfah lai i kan Ram le kan Miphun cu a kan luat ter hrimhrim ko lai tiah zumhnak kei cu ka ngei ko.

Baibal Salm 91:1-16, 2Chanrelnak 7:14, rak rel cio ulaw Pathian sinah ngaihthiam hal in thla cam cio hna u sih. Tu Lio Vawlei cung a Cul Cuahmah Tu Mi that (COVID-19) nih Kan Ram ah a tlun ve nak hnga lo Minung 50 reng lo nih ni thum le zan thum chung Ti lo Rawl lo in thlacamnak kan rak tuah mi hi a si ko tiin ka zumh,

Pathian nih kan rawlulh thlacamnak kha kan Ram le kan Miphun cungah Thluachuah rak kan pek piak hram ko seh, kan Lu ah Vuidip le Vutcam in phulh in mitthli le thlanghnap he thlaza kan rak cam mi cu kan miphun cungah Sa le Ral, Rai phun zakip chung in kan him khawhnak dingah Pathian nih thluachuah rak kan pek piak ko seh, tiin Pathian sinah thlaza kan rak cam.

Cun Vawlei cung Ram kip ah a um mi Laimiphun vialte zong nih thil tihnung phun zakip chungin an rak him (Luat) cionak dingah thlaza kan rak in cam piak hna. Kan Ram le kan miphun cu zeibantuk ral tihnung hmanh hi Vawlei cungah tlung ai kun Kan him hrimhrim lai tiah hi thlacamnak kan rak ngeih lio ah hin kan rak chim cang. Pathian kha i bochan cio hna u sihlaw zeibantuk tihnung le thinphang thlalau hmanh a tlun zongah rak tih hlah u, Israel Pathian (Yahweh) nih Laimiphun cu a kan zangfah hrimhrim ko lai.

COVID-19 ral tihnung cu Yahshua Messiah (Jesuh Khrih) thisen in Laimiphun kan caah tei piak kan si cang!! HaleluiYah! HaleluiYah! Nan thin rak phang hlah u, nan sinah Yahweh Pathian a um ko. A thla in a kan huhphenh lai i him tein a kan chiah ko lai, nan thin rak phang hlah u tiah ka nolh than. Pathian nih thluachuah damnak, daihnak le hnangamnak cu in pe cio ko hna seh, Amen. “Ka min in kawh mi ka miphun nih khan an Lung an thumh i thla an cam i ka hmai kha an kawl i an lam thalo khan an i mer ahcun, Van khin ka run theih lai i an Ram cu ka dam ter lai,” a ti. (2 Chanrelnak 7:14).