Sangau Ralzaam Hna Nih Pathian Biatak Phuangtu Pastors le Evans Hna Sinah Thawngthanhnak An Tuah
Sangau Mizoram ah aa dormi Chin ralzam tampi an um hna. Cu hna nih Pathian bia tihal in an hal. An thinlung a zaw, an thlarau nun a zaw. Cubantuk in an um lio caan ah Pathian bia nih an nun a cawm than khawh a biapi tuk. Taksa, thinlung, thlarau in hrimthannak an ngeih than khawhnak hnga Pathian thawngtha chimtu hna sinah atanglei bantuk hin thawngthanhnak an tuah-
Kan ram buainak ruangah kan ram chuahtak in Sangau khuachungah aa dormi hna sinah ramchung ramleng in Pathian bia in thazaang pek a duhmi Evangelist le Pastor hna cu Khrihfabuu thleidannak um loin lunglawm tein kan in don hna. Kan sinah Pathian bia in thazaang pek aduhmi Evangelist le pastor kan cohlan mi hna cu:
- Ralzaam dirhmun in hmun dang ah khua a sami asi lai lo.
- Bible hi Pathian bia asi tiah a cohlang mi asi lai
- Kan sinah Doctrine kong achim lai lo
- Zarhkhat hlankan in a kan pehtlaih lai
- Ramdang si bantuk in khrihfabuu pastor theihpinak ca a ken chih lai
