Salai Aung: Ka Naule Zeiton Hen Kan Ton Eee

Home

Nizan ah CDF-Hakha pasaltha 2 bomb ithlahphoih sual ruangah an nunnak a liam tiah theih a si. Mah kongah hruaitu a si mi salai Aung nih a ngaihchiatnak le a sianlonak hna hitihin a tial: Ka Naule zeiton hen kan ton eee. Nun nih a celh lo eee. Pa …kaa zumh kho hrim lo ee. Ziah U Aung nagmah kan zul cang lai na ka ti kha kan izulh manh rih tunglo. Hika i na neh le na nang vialte zeitin hen na hawile nih kan vun tuar khawh lai? Na rauthla tal in rak kan tlawng te mu ka Nau. salaiAung

Hakha Bomb Puahnak ah CDF-Hakha Ralkap Pahnih an Nunnak a Liam- Nizaan July 7, zaan sml. 9:30 hrawng ah Dawrthar sang, BEHS No. 1 sianginn pawng ah bomb puah sualnak a chuak i CDF-Hakha ralkap pahnih an nunnak a liam, tiah thawng kan theih. A nunnak a liammi CDF-Hakha ralkap pahnih i an ruak cu SAC ralhrang nih an lak hna, tiah thawng kan theih.TCJ

Pu Chan Hmung cattialmi hi rak rel ve tuah uh, “Pathian cu DINNAK a si I miding mi lawng a dirkamh zungzal hna.” Pathian nih ramthumnak phan Laimi hi thluachuah an pek mi hna sui ngun chawva kha mithahnak hriamnam cawknak ah hmang in ralhrang dohter an tinh piak hna lo. Sifahnak horkuang thukpi chung I a taang rih mi nan miphunhawi tu kha chanhchuahtu si ter an duh hna. Uknak a tthat lo ahcun miphun tthanchonak a um kho lo timi socialist idea kha thuk tuk in I tlaih hlah uh. Kanpu kanpa hna nih minung nunnak cu Van in a tla an rak ti. Van ti an chim duh nak cu Pathian kha a si.

Pathian cu DINNAK a si I miding mi lawng a dirkamh zungzal hna. Laimi, nan lungput le nan holhrel I tuak uh, Pathian ttanpi tlak miphun nan si maw? Ruam nan kai maw? Nan I uah maw? Lih nan chim maw? Nan eihmuar maw? Nan I hleng maw? Nan I daw maw? Nan lung aa rual maw? Laimiphun kan si tiah Kawlmiphun a uar deuh mi nan um sual maw? ” DINNAK “Pathian cu leng lang zohtu si loin chunglei thinlung zohtu a si. Nan dohthlen nak tuah cuahmah mi nih hin nan miphun ” SINAK ” a langhter hrim2 ko lai. Kan in zoh cio te hna lai cu.

CH Khar hi pumpak in ka hngalh bal mi a si lo. A ca post mi tu cu ka rel tawn I pafim pakhat a si tiah ka upat mi a si. Nizan ah na biatak le ka biatak ti tlangtar in a post mi ca ka rel. A hmasabik ah Jesuh biatak a si nak kong a chim ta. Biatak Jesuh cu zeitikhmanh ah aa thleng bal lo. ( All may change but Jesus never glory to his name ).Biatak cu aa thleng bal lai lo. Misantlailo ka si ruang ah biatak chim hi ka ngamh bal lo. A sinain hi CH Khar bia nabiatak le kabiatak hi duhnak pakhat zong an si ko lai nain na hmuhning, ka hmuhning le an hmuhning aa khah lo ca ah a si timi bia nih hi bia hi a ka chim ter ngam mi a si.

Tlangcungmi Kachin le Shan Karen pawl nih Kawl an rak doh hna cu Panglong agreement I tlukruan nak kong ah a si bik. An nih cu an ram chung chuak Diamond le Sui ( Natural resources ) tampi an ngei. Mah hna cu Kawlmi nih an duh tawkin an I cenhnak kha an duh lo ca ah an nun pek in an dirkamh. Laimi cu kan nun pek in dirkamh tlak ram chung chuak thil zeihmanh kan ngei lo. Kan humhak hnga dingmi a sunglawi bik cu nunnak pakhat kan ngeih mi lawng hi a si. Vawlei miphun hna lakah thih aa fahsakbikmi miphun kan si zong hi cu ruang ah a si.

Kum 80 mi ka si cang I 1948-1962 tiang Democracy chan zong tlamtling te in ka rak tep. Zeiruang bik ah dah UNu a tlak ti zong ka hngalh. 1962-1988 Newin chan zong ka tep I zeiruangbik ah dah Kawlram tang ah a tawlh ti zong a zatawk cu ka hngalh. Newin nih 26 a kan uk chung ah an ramchungchuak Sui Ngun chawhlawn dirkamh in ral a tho mi ramtthen hna ram bantuk in Lairam ah Kawl ralkap an mui hmuh awk a um lo. Burma Constitution nih zeibantukin a chim zong ah kan Lairam ah kanmah nunphung tein kan nung ko I Biakinn ttha2 I sak in zalong tein Pathian kan biak ko.

Chin Baptist Convention zong kan dirh I Centinary puai zong hlunghlai ngai in kan tuah ko. Cawnnak lei ah Chin Christian University tiang kan tuah I ralkap cozah nih zei an kan ti lo. A tu lio I kan ca cawn an kan sianh lo e, kan biakinn an kan khangh piak e, kan khua an kan duah piak e kan ti mi tham cu kanmah nih kan va sih, kan va kheuh hmasa hna ruang ah pei a si ko cu. A mah but in aa but ko mi khuaibu kha fung in kan va sawh len ahcun a kan seh ko lai teh, seh hmang pei a si cu. Kei tar hrut pa cu Laimi kanfa kannau hna an thih-loh thawng ka theih ah hin lungkuai in zankhuadei mitthli he ka hraam tawn. Kawl nih ( မည်သူမပြုမိမိမှု ) an ti bang kan intuar nak hi kanmah kan I sial mi lam a si sual hnga maw ti hi ka ruat tawn.