Salai Aung: CDM Tuahmi nih Nan Ingaihchiat Asi Zongah Zeiti Tha…

Salai Aung- CDM pawl nih nan ingeihchiat asile zeiti tha, CDM support team ah phaisa kan hman tuk mi hna hi a herh tuk ah ka ruat ti lo. Zeicatiah hriam loin dohthlennak tuah hi asi kho lo. Midang cio zong hi fimnak ngei ko nain miphun le ram caah nunnak pek in dohthlennak a tuahmi an tam cang. Kan nih pawl zong hi kan duhlo buin meithal kan iput ve ko. Cu caah atu cu kumhnih atling ve cang I, CDM tuahmi hna zong nih CDM bawmhnak ka hmuh peng awk asi timi lungput hi kan neih ti lo ah a tha cang. Cun budget zong hi one budget bantuk in kan kal lo ahcun kan phaisa hi aa thenthek dih.

CDF-Hakha caah thawhmi phaisa hi hmunkhat teah lut sehlaw, kanmah pengtlang cio caah phaisa hi pe ti hna hlah usihlaw CDF-Hakha kan thazaang a thawng ko lai. Cun, CDF-Hakha nih cun CNF/A hi kannu le kanpa canah kan iruah mi hna an si caah dohthlennak adih tik zongah kan hriamnam hi CNA kutah kan Up dih lai. CDF-Hakha le Thantlang nih cun CNF/A hi an tlamtlinlonak hi kan kaa in chuak hlah sehlaw mizeihmanh nih an dirkamh lo zongah kanmah nih cun dirkamh peng ko hna usih.