Ronaldo Athintawi Achuak Than Hoi Cang (VIDEO)

Ronaldo hi mi cungah dawtnak le zawnruahnak, midang bawmh duhnak lungpu a ngei bak mi asi nain, athintawi taktak. Cuhlan vialte zongah Ronaldo soisel a si lengmang nak pakhat cu athintawi mi khi asi. Tutan zongah Saudi Pro league ah an sungh ruangah athin hung i, puai an chuah pah ah tithol/bottle an chiah mi viatle chawi dihlak in a chuih hna. A hawile nih an chawnh zongah a let duh hna lo. video zohnak

Matupi Ah Facang A Luhlonak Thla Thum Hrawng A Si Cang- Chin ramkulh, Matupi khuachung ah facang a dihnak a sau cang tiah theih a si. 2023 January thla in facang an dongh cang caah khuami hna cu eiding kong ah harnak an tong tiah theih a si. 2023, kum thawk in SAC ralkap nih Matupi peng lam hna cu an phih caah kawlrawn lei in facang a lut kho ti lo, khuachung facang dawr hna zong ah zuar ding facang an ngeih ti lo caah khuachung ah facang cawk ding a um ti lo tiah tualchung mi nih an chim.

Matupi khuachung ummi pakhat nih a chimning ah cun “khuachung ah facang kan donghcahnak hi thla hnih thum cu a si cang, kawl lei in Matupi peng ah facang lut kho lo ding in SAC ralkap nih lam an phih. Khuate a ummi caah cun Lo facang an cinmi ei ding an ngei, cu zong cu khuapi chung ah phurhnak nawl an pek hna lo caah khuapi chung ummi tam deuh cu an har ko, atu tiang ah cun anmah le anmah facang i cawih chom in an ei kho rih” tiah The Irrawaddy ah a chim.

SAC ralkap nih Matupi pengchung ah facang phurhnak nawl an phih pin ah tualchung hriamtlai CDF nih an huapnak hmunhma in khuapi chung ah facang phurhnak nawl zong an khampiak hna caah Matupi khuachung ummi caah facang eiding an har ngai tiah theih a si. TCP