Rihkhawdar Minung 3 Bomb Puah hnawhmi Kongah MEDF Commander Biachim

Nizan March 13, ah Tedim peng, Lunmual khua ah tuahmi meeting kai dingin Falam peng Rihkhuadar khuapi No.2 in pastor le a members an kal. Ruahlo piin Lunmual khua phanh hlan deuh te ah bomb hmanh mi cu an motor cycle nih a pah ruangah minung 3 hliam fak ngai an tuar, athimi bel an um hraw lo. Hliamtuar mi hi minung 3 an si I, pakhat cu ahliam fak ngaingai caah Oxygen pek asi. Adang pahnih zong hi an fak ngai ko, pathum lakah nu pakhat aa tel.

Hi kongah MEDF Commander nih achimning ahcun, lam hi ralhrang nih an zulh lengmang ruangah kan khamnak a sau cang. Lamah Bomb kan kamh dih ruangah mipi nih mah lam hi zul ti lo dingin thawngthanhnak zong tha tein kan tuah hna I, lam hi mizeihmanh nih zulh lo dingin ca zong kan tar chih. Mipi nih an zulhlonak zong a sau ngai cang.

Tha tein mipi sinah zulhlo ding thawngthanhnak tuah hnu ah ca zong kan tar chih mi an hmuh ko nain nawlngaihlo in an kal hi cu apoi ngaingai tiah a chim. Rihkhuadar khuami hi nawl an ngailo ti khawh an si. Tha tein ca an tar, mipi sinah thawng an thanh rih, cucu ngailo in an tuahmi ruangah harnak an ton hi asi ko.