Rev. Thawng Tha Thang- Harsami Chungkhar 100000 Sinah Bawmhnak Kan Pek Khawh

Home

๐—ธ๐—ฎ๐˜„๐—น๐—ฐ๐—ฎ ๐—ถ๐—ป ๐—น๐—ฒ๐—ต ๐—ฝ๐—ถ๐—ฎ๐—ธ ๐—น๐—ผ ๐—ฑ๐—ถ๐—ป๐—ด Ram le miphun nih harnak le muihnak a ton lioah rawlแนญam in a ummi Chungkhar 1000 sinah ti le rawl pek khawh kan i tim. Pathian sinah bawmhnak kan rak hal. Miracle a tuah khotu Pathian thawng in chungkhar 100,000 sinah rawl kan chanh khawh cang hna caah kan i lawm. Hi khuallam kan peh rih laiโ€ฆ. A kan dirkamhtu le telpituu nan dihlak cungah Pathian thluachuah um ko seh. ๐—ง๐—ต๐—ฎ๐˜„๐—ป๐—ด ๐—ง๐—ต๐—ฎ ๐—ง๐—ต๐—ฎ๐—ป๐—ด

SINING CIO AH MIN NGEIH A Si- Nunnak a ngeimi minung kan si ah si u sih, nunnak a ngei lomi thilri an si ah si hna seh mah le sining cio ah min hi ngeih cio a rak si tawn. Aa lo i aa khat komi hmanh khi a hmannak le a chiahnak an i dan hnu cun an min zong an i dang ve. Voikhat ah thing haumi minung pali an um. Thingkung a ngan taktakmi pakhat an hau i thilri chiah nakding ah dur, kuang pakhat cio an ser.

Pakhatnak pa nih thing in a sermi dur kha vok ek khonnak, chiahnak i a hman ruangah a min ah ekdur tiah an ti. Ekdur cu hawi sinah a chuaklang ngam lo, inn tangah aa thup peng. Minung nih kan fih ngaingai i kan duh lo. Asinain dumhau kan tuahmi kan thlaithlak a ศ›hat khawh nakhnga a herh ruangah kan fih ngai nain kan hman ngaingai fawn. Pahnihnak pa nih thing in a sermi dur kha ti chiahnak i a hman ruangah tidur, tithawl tiah an ti. Minung nih kan herh i kan hman duh ngaingaimi a si.

Pathumnak pa nih thing in a sermi dur kha zu rawnnak, zu chiahnak i a hman ruangah zuthawl tiah an ti. Minung nih, lai mi ko nih kan duh ngaingai i zu loin kan um kho lo. Kan cawk taktak i, Halkha Thantlang um kawl pawl nih rumnak ah an hman dih cang. Cucaah cun a si lai cu, “Kawl mawศ›aw saupi, ngapih a rak phur lengmamgmi nih Chin ram ah cun zeihmanh a chuak lo. Zuthawl, zupalang lawng a chuak,” tiah a ti an rak ti. Laitlang ah an kai i an kir leiah Halkha le Thantlang khua hnih lawng hmanh ah zuthawl an khawmhmi hi mawศ›aw pakhat nih tet tittet bakin a phurh an rak ti.

Palinak pa nih thing in a sermi dur kha sui chiahnak i a hman ruangah suibawm tiah an ti. Minung nih man ngei taktak ah kan chiah i mikip nih cawk le ngeih cio a si. Myanmar ram lebang ah cun a chungin zeitluk mirum le mingei a si ko zongah an hngawng le an kut ah suiศ›hi le sui kutdonghrol a um lo ahcun minung ah rel an si lo an ti. Sifak santlailo le zeihmanh a ngei lomi ah ruah an si an ti.

Minung pali nih an sermi dur kha an i khat dih ko. Sihmanhsehlaw a chung i an chiahmi thil an i dan ruangah an min auh ning zong an i dang dih hna i man kan ngeihter ning zong an i khat hna lo. Minung kan nunnak zong thing in sermi dur bantuk cu kan si ve. A lengphaw i zoh ahcun mi kip hi aa lo dihmi kan lo. Asinain kan thinlungput siseh, kan ruahnak siseh, kan thluak kalning siseh kan sining cio ah ahohmanh kan i khat in kan i lo hna lo. Kan khuaruah tuaktanning le kan lungputning cungah i hngatchan in kan minung hawi nih an kan hmuhning le an kan auhning zong ai dang cio. Kan sining cio kha zohchih in an kan auh.

Iciakuai (Halkha, Thantlang nih duh takmi) nih a chim. “Chiti a lin taktakmi lakah an kan peih ta lo ahcun kan hmin kho lo. Kan hmin lo i kan puar tun lo ahcun aho nih hme man ngei ah an kan chiah hnga i an kan duh lai le an kan ei duh rua hnga,” a ti an ti. A linsami le harsatnak kan intuar khawh lawngah man ngei le santlaimi le mi nih ei duhmi kan si lai a ti.

Minung zong cu bantuk cu kan si ve. Mi nih man ngei ah chiahmi le ei duhmi kan si khawh nakding ahcun kan lungput le kan ruahnak ศ›hat a hau. Mi a theithiammi kan si a herh. Kan cungah a tlungmi nihsawh thlanglamhnak le thangchiatnak siseh kan tuar khawh i kan in khawh a hau. Mi bia-eng zong kan tuar khawh a hau. Kha pawl kan intuar khawh lo ahcun man ngeimi kan si kho lai lo.

Nifatin kan nunnak ah ekdur bantukin mi nih fih ngaimi le hman duh lomi, a herh ruang tu ah hmanmi si hin hlah u sih. Man ngeimi le hman duhmi kan si khawh nakhnga kan cungah a tlungmi paoh a tuarthiammi le mi a hngalthiammi si i zuam hraam hna u sih. Dinak kha a cat lomi tiva bantukin luanter camcin ko u (Amos 5:24).
Salai K. Biak Lian Thawng