Rev.Thangliansanga (UPC hruaitu) nih Adiklo Ningin Bible Ca Ahrilhfiah Hna

Home

Tutan Trinity & Oneness le Tipilinnak kong Dr.PC Biaksiama le Rev.Thangliansanga debate cu a ngaih an nuam taktak. Mipi nih kan I ngaih bantuk tein debate an tuah lio biafang an hman ning aa dawh, an mithmai a tha tuk. Biachim thiam lei ahcun Rev.Thangliansanga nih tam deuh credit a hmu. Dr.PC Biaksiama nih eye contact performance ah tam deuh credit a hmu ve.Tutan biahalnak le lehnak ah Rev.Thangliansang nih Bible lo ningin lehnak a tuahmi points pahnih kan langhter tuah lai.

Pakhatnak ah Dr.PC Biaksiama biahalnak ah cun, Jesuh tipilin lio ah Pathian Thlarau cu Thuro bangin a rungtum I, acung I aa fut kha a hmuh. Van in aw a rung chuak colh I hi hi ka Fapa dawt, ka lomh tukmi asi tiah Bible nih achimmi hi zeidah sullam tiah a hal. Rev.Thangliansanga nih cun, amah Jesuh asi ko tiah a leh. Hika zawnah Fapa, Thiang Thlarau, Pa ( ka fapa dawt asi tiah a ti tu Aw) timi fiang tein Bible nih achim ko nain, mah vialte hi Jesuh a si tiah ati diam ko. Ziah Bible nih fiang tukin achim ti a theih tuk ko nain, Bible ning in a chim duh lo hi aa palh.

Pahnihnak ah biahalnak aa palh rih nak cu, And God said, Let us make man in our image, after our likeness, “Cun Pathian nih Kanmah mui keng in, kanmah he aa lo in minung ser usih” tiah atimi hi zeitindah asi tiah ahal. Rev.Thangliansanga nih hi hi cu Pathian nih Vancungmi hna sinah achimmi asi tiah a leh. Hika zawnte ah hin Rev.Thangliansang nih aa palhnak asi. Minung sernak ah Pathian nih Vancungmi aa sawm tinak asi hnga. Cuti asi ahcun Minung cu Vancungmi muisam keng le anmah he loin ser kan si ti nak asi hnga. Pathian nih munung ser aa timah Vancungmi a sawm hna timi hrimhrim hi aa palhnak cu asi.

Pathumnak ah aa palhnak cu, “Jesuh nih ti le Thlarau in hrin asi lomi cu Pathian pennak chung an lut lai lo” ti biahalnak asi. Rev.Thangliansanga nih hika zawn i Ti a timi hi tipilin achimduhnak asi tiah ati. Hrinthan hnu in tipil ing lomi cu Pathian pennak chung an lut lai lo ti zumhnak le lehnak a tuahmi hi aa palhnak asi rih. VOC