Real Madrid nih Liverpool Hi Fawi Tein Atei Taktak Kho Men Ko…

Home

Real Madrid nih Liverpool hi a tei ko lai tiah zumhnak le ruahchannak ngan pi a um cang. Cu cu zeitindah tahfung an lak ti ahcun, UCL Final luhkhawhnak dingah Quater-Semi final tiangah Liverpool nih knock out in a teimi hna club cu minthang lo tiah ruahmi Inter Milan (2-2), Benfica (6-4), Villarreal (5-2) in final a lut. Real Madrid belte nih cun, UCL, PL le a dang dang zongah Champion a rak la lengmang mi Club tihnung Chelsea (5-4), PSG (3-2), Man City (6-5) in final a lut ve. Real Madrid a teimi hna Club hi a thiambik umnak club lawngte an si hna. Cu caah Liverpool zong hi a tei ko lai tiah mi tampi nih Real cungah zumhnak an ngei.

Kan i ngeih cio theo hna lai, 2021-2022 ah Liverpool le Manchester City cu Champion League Final ah an I phomh than lai. Aliamcia 2010-2021 tiang Champion League winner result zohah Liverpool nih ( 2018-2019) ah hrai a rak i tlun pi i, Real Madrid nih cun 2013-14, 2015-16, 2016-17, 2017-18 chung Champion hraipi an rak itlunpi ve.

Aliamcia kum 10 dirhmun zoh ahcun Real cu tamtuk in Liverpool nakin a rak tha deuh ti alang. Kha lio caan ah khan Real Madrid minthattertu bik cu Ronaldo a rak si. Ronaldo nih Real Madrid a chuahtak kumvui ah Real cu zohchia ngaiin an rak sung colh.  Aliamcia 2013-2018 tiang kha Real nih Champion League ah pehzulh in teinak a rak hmu peng. Cu cu Ronaldo Real ah a um chung lawngte a rak si.

Ruahlo piin 2021-2022 ah Real cu Final an lut kho than. Tutan hi Real an cawlcangh a tha bak, zumh an um ngai. May 28, Final kongah Liverpool stricker Salah nih teinak kan hmu hrimhrim ko lai. 2018 ah a kan teitu Real he I ton than hi ka lungthli saduhthah asi peng tiah achim. Ronaldo nih Real a chuahtak hnu in Champion League result ahcun Real nakin Liverpool an dirhmun a tha deuh. Tutan hi mizeidah teinak a hmu lai ti hi chim khawh an har ngai ngai ko hih.  Real Fan maw na si Liv fan dah? …