Ramdang in Kawlram Tanghra Phimi 35 ah 32 An Awng

Kawlram chung ah cawnnak um lo in ralhrang nih tanghra camipuai a phitter hna. Tanghra camipuai a phimi chungah Chin state in result a chia bik. Aphimi 2259 ah 609 an awng. Cawnlo I phitmi ahcun a awng mi an tam thiam ko. Mah a phimi hna hi Falam, Tedim, Matupi, Paletwa, le Tonzang in an si.Hakha, Thantlang, Mindat le Kanpetlet in a phimi an um lo. (athli thup in peng dang min in a phimi an um hnga dek maw). Tanghra result achuakmi ah ramdang in a phimi awnnak a tha bik. Khuaruahhar lei khi asi. Minung 35 nih an phi I 32 nih an awng (91.43%). Ramdang in a phimi hi an thiam taktak ko hih.

Hitluk a kan thah, a kan hrem, kan inn le lo vialte a kan khangh piak dih. Kan neihmi chung in an duhmi poh an ilak, an ei. An kan thah sawhsawh lawng hmanh aza an ti lo I, kan hngawng an tan chap beh, mei in an kan khangh, kan fanu le nu pawl hna cu an tlaihhrem hna I an thah beh hna. Cutluk in an kan tuahto mi vialte mit nih a hmuh ko buin le hna nih a theih ko buin Chinram chungah hi zatzat tanghra cawmipuai a phimi an um rih hi Chinmi kan fanu/fapa hna an si sual hnga maw, asi loah ralhrang fanu le fapa lawngte maw an si ko hnga? Chinmi fale an siko ahcun arannak in chungkhar lutlaibik nu le pa cungah action lak colh sisehlaw…