Ralzaam Damlo, Aizawl Tluninn Ngeilomi Hna Caah Manlo/FREE Tein Umnak Inn

Home

#Thawngthanh- Chin Evangelical Baptist Church, Indianapolis, Khualbuk, Aizawl- Chin Evangelical Baptist Church( CEBC) , nih Aizawl hmun ah khualbuk am tuah i hi khualbuk hi damlo ruangah Aizawl a panhmi hna caah a tuahmi a si. # Tanglei kan kan langhtermi bantuk hna hi um khawh a si lai.

  • 1. Damlo mi le a umpitu lawng um khawh a si lai.
  • 2. Chungkhat inn- ah tlunnak a ngei lomi a si lai.
  • 3. Hotel ah ai thum kho ve lomi caah a si lai.
  • 4. Khualbuk ah hin rawlchuan khawh a si lai lo.
  • 5. Khualbuk inn tang Restaurant – ah rawl ei/ cah khawh peng a si lai.
  • 6. Khualbuuk hi a lak tein um a si lai.
  • 7. Puan cu mah tein i ken cio a herh lai.
  • 8. Pher le a herhmi dang cu ready in chiah dih a si.
  • 9. Duty, zohkenhtu pakhat chiah a si lai.
  • 10. A hmun cu Leitla hniam, Hunthar veng, Aizawl ah a si.
  • 11. 1July, 2022 thok in um khawh a si lai.
  • Pehtlaihnak :1 . Tlir Lian Thang ( phone number : 8414009159)

Admin hmurka – CEBC hi an riantuan ning khuaruahhar in Bawipa nih thlua achuah hna. Miphun le ram caah an riantuannak hi a kau i, a lianngan tuk. Chin miphun ralzaam tampi ummi New Delhi ah Vai/Kala sianginn ah a kai kho lomi caah Hakha Community nih a tuahmi sianginn Agape Mission School, ralzaam fale minung 200 renglo an kai nak zong an veh hna i an herhmi cawknak ah US $5000 a bawmtu zong an si.

Chin miphun ralzaam tampi umnak New Delhi ah Hakha Community nih sianginn Class Prep-10 tiang zumh ngamnak he a dirh. Sianginn min ah AMS (AGAPE MISSION SCHOOL) tiah min a pek. Mah sianginn AMS cu Foundation caah US hrambunh CEC nih US $ 5000 a kan bawmh. Mah te cun hram domh asi i, caan tlawmpal ah CBCUSA nubu nih US $3500 a kan bawmh ve.

Ralzam dirhmun zoh buin Siangakchia hi minung 100 tiang lawng cohlan ding tiah kan ti. Nain Student limit hnu ah Kala sianginn ah a kai kho lomi kan fale sianginn kai duhmi ngakchia 100 renglo cu admission an ting ti lo. Cu tikah Education Board nih kan fale admission a ting lomi, pending tamtuk an um kha tha ati lo i, Pathian pei a um cu tiah Sianginn caah inn dot pakhat a hlan chap i, inn hlanmi zohchih in siangakchia hi minung 219 tiang cohlan an si. Cu hnu zongah sianginn kai aduhmi minung 50 renglo admission a ting lomi an um rih thiam thiam.

May 17, ah CEC President Rev.Dr.Benjamin nih Agape Mission School cu thlacamnak he honnak a kan tuah piak. Cu lio ah CEBC Church Pastor le Church Secretary a tuan cuahmah mi kan pale zong nih an kan tel pi. Kan ilunghmuih khun ko. Hmunkhat te ah biaruahnak kan ngei hna i Delhi ralzam kan fale dirhmun, sianginn admission a ting ti lomi tamtuk an um kong cu kan chimh hna.

Cutikah CEC President nih admission a ting lomi vialte cu zaangfak tuk an si, admission pe dih hna ulaw, Room hlang chih u tiah a kan ti. Rev. Benjamin chim bantuk tein pending kan fale vialte cu admission pek than dih an si. Atu cu Agape Mission School ah sianginn kaimi tangcheu in tanghra tiang ngakchia 275 an si. Siangakchia hna hi Hakha Thantlang, Matu, Mindat, Falam, Mizo tbk an si hna. Siang cachimtu zong hi Hakha Thantlang, Falam,Mizo, Matu tbk an si hna.

Pathian sinah lunglomhnak biachim hi kan leiba nganbik asi ko. Zeitintiah, AMS (Agape Mission School) cu CEC nih a Mission bantuk in aa ruah, AMS caah suttung pi bantuk in fek thup in a dirkamh mi kan hmuh tikah kan ilawm tuk hringhran. AMS cu US hrambunh CEC nih aa ngeihmi mission sianginn asi ti hi Hakha Community nu le pa thinlung ah cun ruah asi. Cu cu a dikmi zong asi ko.

Agape Mission School hi Delhi ralzam kan um chung hmun seh ti hi kan saduhthah kan thlacamnak asi. Mah sianginn ah a kaimi kan fale vialte hi education lei ah Delhi Level in a zahpi lo, i hmaihngal pi tlak le bochan tlak asi khawhnak hnga biatak tein teachers te zong nih alam kip in thazaang chuah an i tim. English medium school a si bantuk in class chungah english in ca an chimh hna. Laimi hmundang ka dang ummi vialte zong nih thlacamnak in kan philh sawh hlah u. Crd-ceuuk ceuuk