Ralhrang nih Mipi Hriamtlai MDMF le MRRF Hruaitu le An Naule Minung 21 An Tlaih Dih Hna

Home

Nihin ah KTM nih alanghter ning ahcun Mother Son Mandalay Force (MSMF) le Myanmar Revolution Rangers Force(MRRF)  I an hruaitu le kuttang minung 21 hna cu ralhrang nih an tlaih dih hna tiah theih asi. Minung 21 chungah 9 cu an thah cang hna tiah theih asi. Myanmar Revolution Rangers Force  hruaitu  Aung May le anaule 10 hna cu Aug.1, zingka suimilam 6:30am ah Captain Aung May inn ah ralhrang thazaang 50 nih an kulh hna I, an dihlak in an tlaih dih hna.

Mother Son Mandalay Force hruaitu Ko Shain  le a naule hi Pyin Oo Lwin hotel No.1 an umnak ah an tlaih ve hna. Anmah chung hin pa 4, nu 4, an dihlak 9 an si. Ralhrang nih an thahmi hna hi tha tein ruak an fimhlawm hna lo, meithal in an khah hna I, motor lam ah an hrilh men ko hna.