Ralhrang nih Minung 30 An Thahmi Hna Ruak Cu Zoh Hngam Hmanh Asi Lo

Chin ramkulh Tedim peng, New Suangpi khua ah sianginn le cachimtu sayate umnak cu ralhrang nih mei in an khangh piak dih hna.

Shan ramkulh, Pinlong peng Kikning khua ah kawl ralhrang nih khuami minung 30 an tlaih hna pinah phungki minung 3 an thlaih chap hna. An tlaihmi vialte cu ralhrang nih an thah dih hna tiah theih asi.Hi thil acan hi March 11, zanlei 4pm hrawng ah ai. Pinlong peng Nikning khua ah kahdohnak a fak ngai ngai. Ralhrang nih vanlawng tiang hmang in heh tiah mipi ralkap cu an phomh hna. Cu kahdohnak a um tlawmpal ah Nikning khuachung an lut phungki umnak biakinn ah mipi aa dormi vialte cu an tlaih dih hna pinah phungki 3 zong an tlaih chih hna. An tlaihmi vialte cu pakhat hmanh luat loin an thah dih hna.

An thahmi hna hi an hrilh sawhsawh men ko hna. Ralhrang an kal hnu ah ralhrang umnak hrawng cu khuami nih an va zohtikah an thahmi minung ruak pawl hna cu akenkip ah an rak hrilh dih hna. An ruak cu KNDF nih tha tein an fimhlom hna tiah report nih alanghter. Ralhrang thil tuahmi kongah KNDF, KA, Shintaung-PDF, PDF, PDF-Phekhung, Moebee, DMO-PDF nih kahdohnak hi kan ngol lai lo, adongh tiang ralhrang hi kan doh lai tiah an ti.

NUG le Tlangcungmi Ralhrang Kan Doh Ning An I Dang Sual Maw? Tlangcungmi Nih Panglong le Federal Caah Ralhrang Rallokap kan doh I NUG nih DASSK luatnak caah Ralhrang Rallokap an doh ve sual maw? Tlangcungmi bantukin Kawlte GZ mino tampi hi Panglong le Federal caah Raldohmi an si ve. Kum 75 Kawlram dam lonak le Kawlram ṭhancho lonak cu Panglong hrawk ruangah le Federal pek duh lo ruangah asi ti kha GZ mino nih an hngalh cikcek dih. Hriamnam in Dohthlennak an tuah hlanah GZ Muko cu 2008 Phunghrampi cihmih: Ralhrang kip le Anaasin kip Cihmih (Rallokap + Civil Anaasin): Federal Democracy Ramkomh Siam ding. DASSK le Tamada telin, Hramhram in tlaih mi vialte thlah dih ding ti asi.

Tlangcungmi GZ caah Anaasin kongah an MUKO cu Democracy Anaasin, Federal Anaasin, Biaknak Anaasin, Nunphung le Caholh Anaasin, Pumpak Anaasin tbk vialte cihmih ding ti asi. Kawlte GZ he an muko aa dang khawh men. CHIN GZ nih hriamnam in Dohthlennak an tuah mi cu hi an MUKO ruangah asi. NLD, NLDCEC, NLDCWC, DASSK, NUG, CRPH NUCC, ICNCC tbk caah Chin GZ nih kum 2 Ralhrang SAC andoh lo timi cu Cite liak mi poah nih hngalh mi cu asi. Panglong / Federal hlawhtlin ter awkah Raldoh asi.

CRPH NUG NUCC ah Chakhri tlaih tu le Chakhri merhtu, NLDCEC, NLDCWC, Ex. MP U Aung Kyi Nyunt nih DASSK telloin Federal kong kan ceihmai khawh lo a ti. Tlangcungmi le EAOs nih Federal hmuh nan duh ahcun DASSK luat awkah ral kan doh piak uh law TEI Fawn uh. DASSK (Peahen) a luat in Kawlte le NUG duhning in tuah mi (Tlangcungmi duh ning in asilomi) Federal pennak ah kum 10 um uh law, nan duh ti lo ahcun Uk Sang Biakamnak bangin chuak ko uh tiah AKN nih a ti. DASSK caah Pau Dohthlennak a ti.

Chin Kachin Karen Karenni miphun nih Kum 2 chung ah kan pekchan mi thisen le nunnak tampi cu Pakpalawng ah U Aung Kyi Nyunt nih a tuah ko. Nan lungfian ko lai. Tampi kan ṭial ahcun Negative ah Ak Ak pue nih an ruah sue laa. NUG nih Federal Charter 1 & 2 cu Panglong bantuk asi I Tlangcungmi le Kawl miphun karlakah Voi 2nk biakamnak an ti nain, Cuka ah Panglong rim le Federal rim a nam bak lo. Self Determination timi Mah tein khuakhan lairelnak atlau. Tlukruannak timi Equality le Equity aum bak lo caah EAOs nih NUG he Pumkhat le thinkhat si ti loin Mahamei timi Alliance lawng an si. Alliance ciocio ah CNF alliance lawng hi adikmi asi I adang EAOs he Mahamik (Alliance) cu aa phundang. Permanent Alliance siloin Vulnerable alliance asi. NUG hi Federal an duh lo caah DASSK siorawl ah an ser maw??

KIO Luzik Gen. N Banla nih a timi cu NUG NUCC CRPH ah Chauvinism timi Miphun thleidannak aum caah pumkhat kan si khawh lo a ti. NLD cozah ansi tikah DASSK le NLDCEC tawn awkah Gen. N Banla cu Nipidaw ah aa thawk. DASSK, MAH, NLD le USDP cu an za tein Federal an duh lo, Panglong an huat tuk. Kokek Panglong hrawk an duh caah Panglong deu an tuah I, 21st Panglong Conference an tuah tiah Gen. N Banla nih Kachin Mipi cu a ti hna.

Cuticun Nihin tiang Kachin Miphun nih an zulh. NUG mi lule, Rulpuar nakin a fimzer dueh mi U Aung Kyi Nyunt biahla le NUG Policy hi Kannih CHIN Kan Dr te nih mipi sinah an kan chimh ve bak lo. Rulbang a fim I Ṭhuro bang a nunnem lomi Kawlte hi NUG ah an tam tuk men lai. NLD le DASSK caah Raldohmi kan si ahcun ka capar ah kan lungdong lai i Panglong le Federal caah raldohmi kan si ahcun kan thazang le thawnchin nak asi ve lai. Comment ah AKN bia ka thilh chih.