Ralhrang nih Matupi Khuami An Tlaihmi Hna an Thlah Bal Rih Hna Lo

Home

Matupi ah Major pakhat thah a si hnu in tlaih a tongmi khuami cheukhat thlah an si rih lo- Chin ramkulh, Matupi ah hram a bunhmi Infantry 140 in Major pakhat khualeng ah thlah a si hnu in tlaih a tongmi khuami 6 chung in 2 cu thlah an si cang ko nain adang 4 cu atutiang hren an si rih lo tiah theih a si.

Infantry 140 in Major Tan Win Naing cu July 15 zinglei sml 11 hrawngah CDF-Matupi nih khualeng ah an thah. July 16 ahcun an thahnak a pawngkam ah a ummi Matupi khuami 6 cu SAC nih an rak tlaih hna. Tlaih a tongmi hi nu 3 le pa 3 an si i kum upa 1 le nu 1 lawng an thlah rih hna tiah theih a si. Major Tan Win Naing hi CDF-Matupi khuachung cawlcanghnak kha áš­ha tein a ngiathlainak a tuah caah khualeng lem in kan thahnak hi a si tiah CDF-Matupi nih a thanh. The Chinland Post