Ralhrang Motor An Tlaihmi le Hriamnam An Chuhmi Hna

Karenni peng, Phasaung le Bawlakha khua hna ah a ummi SAC ralkap pawl sinah eidin phorh dih in a rak kirmi SAC ralkap mawṭaw thluan cu Karenni phufonh hna nih June 1 le June 2 ah an bawnh hna i SAC ralkap tampi an thih leng ah ralkap mawṭaw 2, meithal zuun 4 le raltuknak thilrii cheukhat chuh an si tiah KNDF battalion 1 sin in theih a si.

SAC mawṭaw thluan cu Karenni Army (KA) le Karen National Defense Force (KNDF) battalion 16 hna fonh in an kah hna i mawṭaw 2 lengah drone thlaknak, hriamngan, solar, meithal zuun 4 le kuan bawm, SAC battalion 66 thilthuam pawl fim khawh a si tiah a thanh. Cu kahdohnak ah, SAC nih vanlawng in bom a rak thlak i Karenni phufonh lei in 1 kuan nih a hnawr i a hliam tiah theih a si. TCP