Ralhrang Bomb Nih Ngakchiate Pahnih Athah Hna

Home

SAC RalkapThlau Mi Bomb Puah Ruang Ah Ngakchia 2 An Nunak Liam- Magway ramthen Gangaw peng Kaan khua(ကန်ရွာ) pawng ah SAC ralkap nih an thlau ta mi 40mm bomb puah sualnak ruangah ngakchia 2 an nunnak liam tiah theih a si. June 19 zaanlei Sml 5 ah Gangaw peng he meng 20 tluk aa hlat nak Kaan khua nitlak lei kap hmun pakhat ah bomb nih a puah hna hi a si tiah theih a si.

” Ngakchia pa te pakhat nih bomb cu a hmuh hmasa i a nu le pa nih hihi cu lente celhnak ding a si lo an ti i bawm chung ah a senh. Cu cu a dang ngakchia 2 nih an hmuh i an i lenh, van ah an hlerh i lung in an cumh hnu ah a puah hi a si,’i tiah tualchung mi pakhat nih a chim. Bomb puah hnawh nak in a thi mi ngakchia 2 hi kum 7 te lawng an si rih tiah theih a si i Maung Pyi Sung Maung (မောင်ပြည့်မောင်) le Maung Min Htut(မောင်မင်းထွဋ်) an si. Bomb nih a puah hna nak hmun ah an thi colh tiah tualchung mi nih fehternak he an chim.

June 12 lio i Gangaw peng ah rallam an sial mi SAC ralkap 180 nih an thlau mi bomb a si lai tuah kan ruah tiah Gangaw pengkomh batallion (1) in mipi vengtu ralkap in ruan ngeitu nih a chim. ” Rallam an sial lio ah thlau mi si lo in an i thlau ter hramhram mi a si ko lai,’tiah a ruahnak a chimh fawn. Mipi hna nih SAC rallam an sial lio i ah ramlak a si ah, khua chung siseh, an i thau ter hramhram. a si zong ah, an kah lio i a puak lo paoh cu tawngh lo ding, hmuh ah cun mipi veng tu ralkap thawng nan kan thanh lai tiah mipi hna sin ah Gangaw pengkomh mipi vengtu ralkap nih theihternak an tuah. TCP