Ralhrang Battallion 18 Nih KNU An Umnak An Fuh Hna

Home

Nihin ah KTM nih alanghter ningah cun, ralhrang tatyin 18 ifonh in KNU Tatmaha 6 umnak hmunpi cu Aug.20 ah an kal hnawh hna atu tiangah kahdohnak voi 33 a um cang tiah achim. Ralhrang leiah minung 48 an thi I 80 renglo hliamtuar mi an um tiah KNU lei nawlngeitu nih a chim.  Ralhrang aa funtommi hi Tatma 11,22 le 44 tang ummi tatyin 17 pinah BGF tatyin pakhat an I tel. Culawng hmanh si loin tatyin dang zong an um len nain zeibantuk dah an si hna ti fiang in kan thei kho rih hna lo tiah KNU nih a chim.

Hi kahdohnak Tatmaha tang ummi KNLA tatyin 16,17,18,27,201, KNDO in central security force tatyin pakhat fonh in ralhrang hi an kah hna. KNLA in minung 2 nunnak a liam I, 16 hliam an tuar tiah KNU nih a langhter. Ralhrang nih hin biatak tein cunglei in raltuknak Jet fighter le helicopters pawl an hmang tiah KNU chimphuangtu nih a chim.