Putin(69) le Anungak Alina (39) Mipi Hmaiah Ithup Tilo In An Lang Tti Cang

Olympic gold-winning rhythmic gymnast, Alina Kabaeva, nih phungning tein mipi hmuh ah a tlangvalpa Putin he  Black Sea resort Sochi ah an I tonnak cu a phozar. Kabeva hi kum 39 upa asi cang tiah report nih a chim. Cuhlan vialte, kum caan zeimawzat chung an I kawm cang ko nain tutan bantuk hi mipi hmuh dingin hmanthlak phozar a um bal lo tiah report nih a chim.

Alina cu Putin nungak a si caah kan hnu May thla ah khan UK, Canada le EU nih sanction an tuah ve. Alina le Putin tonnak an ngeih lio ah Alina nih Russia mipi le ralkap thazaang peknak bia a chim hna. Atimi hna cu, “Nan I timh kawltung nan phanh hlan lo nan lungdong hlah uh, nan thinlung ruahnak zong zorchuk hlah she” tiah a ti hna.Atu lio ah Alina hi a dirhmun asang ngaingai, Russia ram pumpa cozah media vialte tlaitu lubik asi tiah report nih alanghter chap.

Putin cu hi hnu kumthum lawng a nung cang lai tiah Russia ram sungthoh a tuanmi nih an chim. Atu hi a zawtnak cancer zual lei a panh chin lengmang ruangah, Putin cu alufah a celh ti lo i, a mit khuahmuhnak zong a rawk dih cang tiah a ti. Putin nih a rian akalpi khawh rih lo caah amah nih a zumh bikmi cu rian a tlaihter chung. Cupa cu Putin nakin a sual deuhmi asi tiah aliamcia thlakhat ah report nih an rak chim cang.