Pu Trump Kum 76 Tlinnak Birthday Asi
US President hlun asimi Donald Trump cu kum 76 a tling ve cang. Laimi dirhmun in cuanh ahcun kum upa,tar a si. Nain US ram sining in cuanh ahcun US president a tuanmi le aa cuh mi hna hi kum 80 hna an si. US president tuan cuahmah mi Biden hi kum 78 a si cang. Donald Trump hi president term khat cu fawi tuk in a tuan kho rih lai.
Donald Trump hi June 14,1946, ah Jamaica Hospital Medical Center, New York khualipi ah achuak mi asi. Nupi hi pathum a ngei. Anupi pakhatnak hi Ivana Trump (1977-1992), pahnihnak hi Maria Maples (1993-1999) asi. Pathumnak hi Melania Trump asi I, a tu I anupi khi asi. Melania he hin 2005 ah aa nei mi an si. Donald Trump nih fa 5 a ngei hna I, Melania Trump he hi fapa pakhat Eric Trump an ngei. Donald Trump nih hin chuahti unau 5 a ngei hna, Robert Trump, Fred Trump Jr. Elizabeth Trum Grau le Maryanne Trump Barry hna an si. Hringtu an nu le pa hi Fred Trump le Mary Anne Macleod Trump an si.
Donald Trump hi sipuazi tuahmi US ramchung mirum Billionaire ah aa telmi asi I a rumnak Net Worth 300 crores USD asi tiah forbe nih achim. US president a tuan chungah kum 4 chungah voikhat hmanh President hlawh a ei bal lo. Ahlawh vialte US ram caah a hlut dih. President a tuan chungah tazacuaitu an tamtuk pinah amah pumpak riantuan caan a ngei kho ti lo I, kum 4 chung ah 2 billion- 3billion karlak hrawng a sung tiah theih asi.
Forbes nih cun 3 billion a sung tiah ati. Mah kongah President Trump nih a chimmi cu, President ka tuan ruangah ka sungh mi hi 2billion maw 5billion maw, cu nakin tlawm deuh asi zongah apoi hrimhrim lo. Ka miphun le ram caah ka tuanmi rian ruangah ka sungh asi ahcun cu cu apoinak a um lo, zeicatiah ka ram le miphun caah asi tiah achim.