Pu Tha Peng cu Vansan ah Ralhrang Ttih ah A Zaam Ve Cang

Home

PU Tha Peng le anupi cu Hakha in ralhrang tih ah an zaam tiah theih asi. Pu Tha Peng hi Hakha Construction zung ah lutlai asi. Hakha Timit hlei remhtu dingah a rami hna minung 11 cu Sohlohzi zung a kangh zan ah CDF nih an thur dih hna. Mah kongah Pu Tha Peng cu ralhrang nih tazacuai ding in case an orh ter. Ralhrang nih case an ser piak cang ruangah Pu Tha Peng cu Hakha ah um ngam ti loin a zam cang tiah theih asi.

Hakha Sohlohzi zung a kangh zan minung 11 a tlaumi hna chung in hruaitu lutlai AD ULin Aung, AD-U Naing Hing Aung, AE-U Win Maw hna an I tel. Pu Tha Peng hi cuhlan vialte ah CDM tuah lomi asi. Nain Hakha Timit hlei donhtu ding minung 11 an tlau mi ruangah amah cu ralhrang nih foih an timh cang caah a nunnak a him ti lo tiah a zaam hi asi. Pu Tha Peng construction bawibik a um ti lo caah amah kuttang minung asi mi DSE- U Kyaw Min Oo cu chikhat caah ralhrang nih rian an khinh than.