Pu Ngun San Aung hi Ngaihthiam Awk Atha Lai Lo

Home

Nihin ah Pu Ngun San Aung cu a umnak khrifabu pastorte nih thlacam piaknak an ngei i, Pyidawtha a inn ah a um than cang lai tiin an chim cio. Ngun San Aung nih Chinram cu kumkhat chung bak ralhrang kuttang ah a hruai. Amah term chungah Chinram chungah minung pazeizat riamruam dah nunnak an sungh i, umnak inn an sungh cang. Innzuat satil kan sungh cang.

Pu NSA cu CDM tuah dingin an nawl len zongah a duh lo. Mipi duhnak tuah kha aa tim lo i ralhrang duhnak tuah i phaisa hmuh aa thim deuh caah kumkhat chung ralhrang he rian an tuan ti. Atu cu a rian in an dinhter cang caah a umnak inn hlam ko lo ahcun khuazei ah dah a um hnga. Cu caah khrihfa phung itlaih in pastorte thlacam a sawm hna hi asi men lai dah.

Zeibantuk hmanh si ai kun, Pu NSA nih hin iphetchem in hivialte kan mino nunnak le thisen lak ah hin thiamconak ding lam a ngei kho lai lo. CDF pasaltha nunnak an sunghmi vialte, an thisen luangmi vialte, Thantlang khuapi a ciammi vialte. A term donghnak lei sang ah Thantlang khua sersiam ding kong ah amah nih Thantlang upa le pastors hna cu meeting kai ding in phone in a chawnh rih hna. Nihin tiang Timit Operation hi mah meeting biachahnak cherhchan lakin an kalpi mi asi.