Pu Mang Lian: CDF-Mindat Phaisa Azaampi Tu Hi Keimah Ka Si Lo… Mindat MP, MP, MP

Aizawl khuasa Manglianna nih CDF-Mindat tangka ningcanglo in a vaivuanh i amah zong a zaam timi kongah Mangliana nih fianternak. June 1, 2022 ni ah Chin World le Zalen Media le a dangdang Media le Social Media kip nih CDFMindat tangka cu Aizawl khuasa Manglianna nih ningcanglo in a vaivuah tiah an timi kongah a tanglei bang in keimah Mangliana nih fianternak ka hun tuah.

2021 March thla thokka hrawngah Mindat i NLD palai MP hlun U Aung Than cu Aizawl ah a rak phan i bawmh a rak ka hal. Ramdang in tangka kuatnak kongah le hriamlei damhzalhpiak ding kong a si tikah kei zong nih ram ca i riantuanmi hna cu ka ti khawhtawk in ka bawmh ve hna lai ka ti i amah U Aung Than cu ka inn ah ka rak umter.

Cuti a si tikah Mindat ca bawmhnak a phanmi ramleng lei in tangka a van lutmi le NUG sin in a van lutmi hna cu keimah nih ka si khawh tawk in ka rak bawmh hna. Cu chung vialte tangka lutchuakmi cu a tanglei bang in van langhter ka duh. A cunglei i ka rak langhtermi tangka lutchuak hi Mindat ca a lut chuakmi vialte cu an si.

Khi hmanh ah khin keimh tangka INR 1200000 le anmah (-) a piahmi INR 659402 fonh ah INR 1859402 cu keimah le ka hawile pahnih hna nih kan chawva chuah in advance kan pekmi a si. Mah advance kan pekmi zong cu anmah minung pathum (U Aung Tan, U Nay Lin Aung le Dr. Ngai Tam Maung) hnatlaknak in kan tuahmi thiamthiam a si.

MP hlun U Aung Than hi atu ah Delhi lei a phan ti thawng kan theih i a phone zong pehtlai khawh a si lo. Keimah zong atu tiang Aizawl ah khua ka sa peng, khuazei hmanh ah ka zaam lo! Mah cucu anmah nih a zaam an ka ti i anmah lila tu hi a zaammi an si.

Social Media kipah keimah hmanthlak lawng si loin ka chungkhar hmanthlak tiang an kan tarmi zong hi Media Ethic he cun aa kalh ngaimi a si. Cucaah, minung pumpak pakhat a kong theih fian lo in le kap khat lei chimmi lawng lakpiak hi a phung a si lo. Mah MP pawl pathum kong hi ka chim rih lomi tampi a um rih. Theih chap a duhmi nih keimah pumpak phone number a simi (+91 600974).

Mangliana (Aizawl) Mangliana nih a vung langhter ning ahcun mah hna pathum tu hi phaisa a vaivuanh tu hna cu an si. U Aung Tan Le Nay Lin Aung Le Pu Ngai Tham Maung nih ramdang um mi nih Mindat ralzam hna an bomhnak cu an lak tiah ti si ko sih. Zeicem cu dah zumh awk an si tihmi bel tu tiang biafiang theih khawh asi rih lo. khuaruahhar.com