President Zelensky nih Ngaichia Ngaiin Ukraine Kong Achim Cang Hih

Home

Russia ralkap nih Ukraine ramchung ṭhennga chung ah thenkhat cu an laak khawh cang, tiah Ukraine President Zelenskyy nih a chim. Ukraine nih nitlaklei ram sin in hriamnam bawmhnak a hmuh cuahmah lio ah Russia nih Ukraine nichuahlei hna cu control ding in biatak tein kahdohnak a tuah caah kaphnih kahdohnak cu ni 100 a hung tling cang.


Ukraine ramchung 20%, 125,000 Square Kilometers tluk cu Russia nih an laak cang, tiah Ukraine President nih a chim. Russia nih an laakmi hmunhma hi Belgium, Netherlands le Luxembourg ram hna fonhmi nak hmanh in a kau deuh tiah a chim chap. Ukraine ralkap hna lehrulnak le kahnak in Russia ralkap 30,000 leng an thi i, Ukraine mizapi 10,000 leng thah an tong, tiah President Zelenskyy nih cun a chim.

Ukraine ralkap hna cu nichuahlei le nitlaklei ah Russia ral doh ding in biatakte thazaang chuah in an i timhtuah i, kan ram kan kilven khawhnak ding ah, ramdang sinin bawmhnak tam deuh kan herh tiah a chim. Germany nih Ukraine cu air defense force hriamnam hna cu kan bawmh lai tiin biakamnak a tuah cang bantukin US zong nih Advanced Long-Range Missiles hna cu kan pek lai tiah bia a kamh ve. Credit- The Chin Post

Nizan ah Russia’s defence ministry nih alanghter ningah cun, nizan nilini/Thurs ah Ukraine raltuknak vanlawng SU-25 cu kan ralkap hna nih Mykolaiv ramthen ah an kah piak hna tiah a ti. Russia nih Ukraine a dohnak ah ni 100 a tling cang. Nithum ah lak dih ding a timi cu lih lawngte a si ne. Nain a tu hi Russia nih tactic a thlen hnu ah a nam ngaingai cang.

 Zingtincuai cinzah- Fir le Firkhut Hi An Nunphung Le Tlaihtleng Asi Cang Mi MPs Rual le An Pu Luban Hna-Cozah Kum 5 an tlaih chung ah Fir lawng te abawh mi le fir in aa cawm mi an si caah, Paucan Dohthlennak zong ah an ziaza an I remh hlei lo. Pu Mangliana nih a phuang mi hi ahman ko ahcun Lohtlau bak asi. Pu Mangliana sin lawng ah alut mi lawng theihhngalh khawh asi. Hngalh khawh lomi an tampi rih lai.

Hitlukin bawmhnak atam mi le bawmhchan tu atam mi hi CHINMI kan tuanbia ah a um ballo mi asi. Pu Mangliana nih aphuang mi hi Ramdang um Mindat peng nih an pek mi lawng asi rih. Vawlei kili um chinmi nih kan thawh mi vialte tel chih ahcun atam tuk ngamsam. NUG le kawlte sin in siseh, Ramdang bawmhnak siseh, cazin bang khawh lo mi atam tuk rih. An hlut poah ah MPs hna le Kawl Party Luban min in hlut le pek an si dih ngawt.

Pu Mangliana nih a langhter mi hi kaa dang bawmhnak an kut ah aphan mi he tahchun ah cun piasen te lawng asi rih. Zeitluk tam in an sin ah Phaisa alut I, Zeitluk tiang in Mipi, CDM le CDF caah an hmang, zeizatdah an vaivuan I, an fir ti cu chimh hau lo asi ko. CDF le CHIN mino nih rilcat dengmang tiang in paw ret in, nunnak le thisen pek in Ralhrang an doh. MP le NLD Party Luban Lubo rual nih fir le rum lawng nan duh. An tuah ngai ngai fawn.

An fir lai ti khawh asinak cu, cazin he ṭha tein ara ko mi Chinram Budget hmanh a fir ngamtu si hna kaw, Audit le Risk Management aum lem lo mi, hi liangluang phaisa hi ka ti reng kha, an fir dih lai ee tiah, tu hi nan hmuh cang ko lo mei? Amay Suu kha bia an hal, NLD upa le Vuanci afir mi dantat hna an ti. Keimah lawng in maw ram ka hruai lai, Ka zangfah ko uh tiah mipi cu a leh hna.

Amay Suu kan dawt tuk ruang ah kan ngaihthiam hna asi ko. An fir lo, an dinfel kan ti nak asi lo. Pakhat pa leh bang kha cu, Nu hna rian pek awk ah a it pi hmasat hna ti asi. Hakha Market Building phaisa afir in arian in an phuah kha cu a hnu tuk cang. Mipi phaisa relcawk lo fir buin le nu cung kai pah in ram hruai cu an mak tuk hrinhran te aw. Hlan chan SPH bak an hluan ko. Mipi phaisa a fir mi cu tazacuai bak, dantat in thong thlak bak, a ngeih mi vialte chut dih ding asi nain,NLD cozah nih an ngaihthiam dih ko. Duh poah sual hnu ah rian phuah hna cu nun chung ei cawk lo a fir I, aa khonh cang cu tah.

Paucan Dohthlennak ah relcawklo an fir rih lai. Zeitindah rum lo in an um khawh lai. Chin Nungak nih le pa fel le Pasalṭha rual nakin phaisa mit au deuh asi fawn. Kan MPs le Kan NLD Party hruaitu Luban hna firkhut ruang ah le nu hawr tuk ruang ah Chinram ah Ralhrang kan tei khawh hna lo hi asi ko. NLD Party kasi nain, Sik nan hau ko. Ka theih thiam uh. Mah le mah I ti lo cu zeidah.

Chin Cozah le Chin Charter siam awk ah ICNCC tiah thimh hlei mi nan si. Kumkhat leng asi cang nain eibar nan chuah pi lo. Ramdang bawmhnak zeitindah ka fir khawh lai I, ka rum lai timi nan bawh nak ah zeituah hmanh nan hngalh ve ti lo. ICNCC ah MPs 18 tel nan si. Azalo nan ti I Party Luban kan in tel rihhna. Azalo nan ti caah Pyithuh Amyotha hlutdawt telin kan I thimh dih hna.

Charter le Chin Cozah Organograph rak chuak pi uh kan I ti hna. Nan chuah pi lo. Bahu le CEC kan hal rih lo, an hnatlak nak kan hmuh rih lo, Anmah nih Guideline ankan pe rih lo, tiah biasi nan phai. Chuah pi cang uh kan in ti hna, NUG le NUCC Guideline kan hngak lio nan ti ṭhan. Asi ahcun adang nih Suai siseh tiah Meeting biachah nak kan ngei. Kan chuahpi tik ah NLD CEC hnathlak nak kan lak hmasa lai, NUG a hna tla hnga maw, ahnu bik ah Amay Suu nih aduh lai lo, nan kan ti ṭhan. Cuticun kum (2) dengmang nan kan kalpi. Akarlak ah arak phan mi bawmhnak vialte MPs le NLD Party Luban lo ahohmanh nih nan tawngh khawh lo tiah Veto nan hmang fawn. Kan in tawng piak reng hna lo kha mu.

ICNCC meeting ah an chuahpi mi Charter le Organograph cu vote kan thlak tikah kan in tei hna. Cucu nan duh fawn lo I tawnta elh in mi nan kan elh rih. Cucaah CDF le CJDC nih Nanmah hi ralhmun ah rat in ral rak doh uh law, kan nih Aizawl ah kan um ve lai an I ti hna. Cutikah nan chimh kan ngai lai, nan sin ah kan um ve ko lai. Nanmah nih Chin Cozah dirh awk ah kan hruai uh tiah Sen nan thuh dih. Nain Chin Cozah dirh awk ah meeting nan ra duh ti lo.

Nan biakam le nan senthuh mi nan upat tilo. Zeitindah mipi cu nan kan upat khawh reng lai. Nanmah he aa nainiam mi CDF Upa hna cu CJDC meeting kai lo ding in nan tuk fawrh hna. Nan lem hna. Cu lio ah Minung 5 lawng nih ICNCC zoom meeting cu nan tuah. CJDC kha intervention le interrupt bak nan tuah rih. Kan in theih ko hna. Kan holh duh lo I asi ko. Meeting a kai mi (5) nih Chin Single Text Draft suai awk ah Minung 8 kan thimh hna nan hei ti ve. CJDC nih Ramdang bawmh nak hi an I chut hna lailo. Nan fir hi kan hngalh buin, kan mit kan chinh I, kan hna kan chet ter ko dakaw. Tucu ruah lo pi in CJDC ah kal hlah nan ti mi CDFs lei in nan fir thawng cu khuari bang in turu ngai in, ahung thang ai. Apoi tak ko.

Khuate lei uknak vialte CDF nih an tuah dih cang. Ngandamnak le Fim cawnnak zong an tuah dih cikcek cang. Chin Tazazi zung zong an tuah dih cang. Upadi Chin Acts ahmang na, Anmah tein an mifim hna he Acts serchuak in ahmang na tiah, Kum khat deng an kal pi cang. Azei cu dah, ICNCC nih chuahpi ding mi Chin Charter le Chin Cozah cu, hmunhma an ngeih ti tung lo. Mipi nih MPs, Kan NLD Luban le ICNNC nakin CDF hi Legitimacy an tuah deuh ti hi nan hngalh ko ṭung. Tuzong Siang Inn an onh dih cang. Saya/ ma te zong CDF nih thlahlawh an pek khawh cang. Siibawi te le Nurse tiang in tlin tein an I ngeih dih cang. Ultra sound le Xray hman acawk mi an um cang. Cucaah CD Fnih CJDC ah surrender uh an I ti hna mi kha asi. Nan duh lo I, nan hngawng nan fek ter rih ahcun, nan mah nawl sicang seh. Lai le Lai Lainawng cu kan ti ko lai.

Nan him ko lai nain, Tuanbia tazakhan nan si ve cang lai. MP Mang Heng Dal Hruaimi ZOMI ram ah SAC Siang Inn kai nak lunglawmh tein an cohlan rih kha mu. Tuak ko uh. MP Zacung um nak MDF nih CJDC an doh ko cu aw. NUG nih 2008 Phunghrampi a thah ah thahchih nan si kha an in chimh hna rua lo hlah maw? Sa le ral lakah Nunnak, Nunnak le Thisen tampi pekchan tu CDF le CJDC chimh ngai loin, an sin ah I fonh duh loin, Zuam cawh in, sirleih in nan um nak aruang hi nan fir mi a langh sual lai nan ti caah le nan firkhut zia thuh nan duh caah asi. Chin cozah um loin le Chin Charter um loin, Bawmhnak phaisa in rum ko usih tiah Great Planning nan rak ngeih caah asi tihi tu lawng ah kan lung a pem ve.