President Putin Zun le Ek cu Russian Federal Protection Service (FPS) nih  Suitcase Chungah Tha Tein An Chiah Piak

Home

Russia President Putin kong cu khuaruahhar pakhat cu asi. Nihin ah report nih alanghter ning ahcun, Putin zun le ek cu  Russian Federal Protection Service (FPS) nih tha tein an fim hlawm piak peng. Hmundang ka dang khual tlawn a kal zongah azun le ek hi tha tein an donh I, suitcase chung ah an chiah I Russia ram ah an kirpi than tawn tiah ati. Hihi zeiruang ah dah a si ti ahcun, Putin ngandamnak kong he pehtlaiin a si tiah an chim.

Putin konglam hi midang nih an theihlonak dingah runvennak an tuah piak mi a rak si. Putin zun le ek cu ramdang le hmundang dang ah hmuh ding pakhat hmanh a um lo tinak a si. Atu hi ruah lo piin a dirhmun a chia ngaingai. Putin cu cancer nih a tlunh caah nikhat hnu nikhat a zual chin lengmang. Atu hi Putin nih alufah a celh ti lo, cun amit khuahmuhnak vialte a hnursuan cang. Hi hnu kumthum lawnglawng Putin cu a nung cang lai tiah Russian spy nih an chim.