President Biden: Supreme Court nih Nauhrawh Khawhnak Phung A Hnon Mi Cu Ngaihchia Taktak Asi

Home

Nizan ah US ramah kum 49 chung an rak kalpi cangmi Nu nauhrawh khawhnak phung cu Supreme Court nih a hnon diam. Cu an hrawh mi ruangah President Biden nih White House in a lungfahnak bia achim. Atimi cu, Aliamcia 1973 ah phungning tein Supreme Court nih Nu zawnruahnak he phung a rak fehter mi Nauhrawhnak khawhnak phung cu nihin ah Supreme Court nih a hrawh cang.

Hi hi Americans ram le nu caah ngaichia taktak asi. Cuhlan ah vialte nu runvennak phunglam rampi nih a kalpi peng mi le, Court nih a tuah bal lomi cu nihin ah Court nih a tuah. Court thiltuah cu ngaihchia taktak asi. Nu runvennak phungpi cu nihin thawk in court nih a donghter cang tiah a chim.

Amahbelte US rampi cozah uknak apoituknak pakhat cu, Supreme Court nih nauhrawh a kham ko zongah anmah le state cio an biapi tuk than. State nawlngeihnak cu asantuk tikah US ramchung state zeimawzat nih cun nu nih an ngeihmi covo kan upat piak hna tiin nauhrawhnak nawl a pemi um than khawh a fawi. Cuhlan vialte zongah Supreme Court nih nauhrawh a onh ko nain states cozah cheukhat nih cun anmah state chungah nauhrawh an kham thiam ko.