President BIDEN hi Amen Bak Lo, Ralhrang Hruaitu Bik Athah Ve Cang

Home

US CIA tawlrelnak in al-Qaeda hruaitu lutlai Ayman al-Zawahiri,71, cu a umnak Afghanistan ram ah drone hmang in an thah. BBC nih alanghter ning ahcun, Zawahiri cu innleng ah a um ko lio ah US drone hmang in hmunhnih bak ah kah asi tiah a ti. Mr.Biden zong nih Zawahiri cu thah asi cang tiah fiang tein thanhnak a tuah ve cang.

An thahnak hi Afghan khualipi Kabul a umnak inn ah asi. Aliamcia September 2011 ah khan Obama nih Osama Biladen cu a nupi le fale he an um ko lio innchung bak ah US Navy Shield nih an rak luh hnawh I an rak thah. Cu hnu pin pohpoh cu al-Qaeda ralhrang cu nihin ah an thahmi Egytian doctor Zawahiri nih a hruai hna.

Zawahiri hi mastermind wanted tiahUS nih a timi asi I, amah umnak theitu, athat khotu sinah laksawng tam taktak pek ding zong in a rak ti cang mi a si. Zawahiri hi 9/11 lio ah Binladen he khuakhang ttimi an si. Zawahiri khuakhannak thiamthiam in 1998 ah Kenya le Tanzania US embassy cu an rak kah ruangah minung 223 an rak thi. 2000 Oct. ah Aden ah suicide bomb hmang in USS Cole naval an rak puah ruangah US tilawngmawngtu 17 an rak thi tiah Biden nih a chim.

Trump president a tuan lio ah khan ISIS hruaitu lutlai bik asimi Mr. al-Baghdadi cu Syria ram a umnak innchung ah an rak thah. US commandos nih a inn an kulh dih cang ti a theih in vawleitang khur cawhmi leiin chuah aa tim hna in,US commando nih an ikenmi uico nih a rak bawh.

Mr. al-Baghdadi cu leng chuahnak a nei ti lo I, innchung ahcun Cawpi awn bakin a awn tiah ati. Innchung ah a fale 3 he an um lio asi. Mr. al-Baghdadi nih adonghnak ah amah he afale 3 he suicide bomb puah in an ithat tiah ati. Tutan ah Biden nih ralhrang lutlai bik a thah khawh ve tikah minthatnak tamtuk aa chap ve lai.