Phungning Tein CNF nih Raltuk Sawmnak Atuah Cang

Konglam-Kan Chin Miphun Zalawnnak caah Raltuk Sawmnak- Kan Chin miphun zalawnnak ca I Chin National Fron (CNF) nih dohthlennak a tuahnak ah na rak bawmhnak le na rak ttannak vialte ah kan ni lawm. 2010 in rak thawkmi Chinland Club caah siseh, 2021 kum I Emergency National Security Fund caah siseh na phaisa kan ni halnak I, na kan bawmhnak bialte ah lunglawmhnak kaa in chim khawh lo kan ngei.

Kha nan kan bawmhnak phaisa kha abiapi bik mi kan miphun  runvennak le kan ral khamnak caah nihin kan hman mi asi. Kah na thazaang le na kan bawmhnak kha rak um hlah sehlaw, a tu bantuk in kan Chinram ah kan ral hi kan kham, kan ter kho lai lo. Cu caah, CNF bawmtu men si loin, nangmah pumpak hrimhrim na phaisa le na lungthin dihlak in ral na kan tuk pi ve ko tiah kan nin ruah.

Nan theih bantuk in, a tu lio caan cu kan miphun vialte in ral kan tuk lio asi. Kan umnak hmunkip in kan ral cu kan doh cio. Hnu lei caan I na kan telpi bantuk in tukum 2022 a tangmi thla 8 (May-Dec) zongah thlakhat $100 rate in $800 na kan telpi rih nak lai bochannak nganpi he kan nin sawm. Hnulei caan vialte nak in nihin lio hi cu a biapi chinchin caan asi caah kan miphun vialte in thilrit I khin in teirial chin chin cio ko hna uh sih.

Hi kong ah pehtlaih in a herhmi a um ahcun mahle umnak ram le khua cio I, Chinland Club Upa sinah siseh, Pu Thla Hei, CNF General Secretary sinah siseh, Col.Solomon Thangding, Secretary of Department of Public Relation sinah siseh, Pu Daniel Sakhong, Deputy Secretary of Deptment of Public Relations ah siseh hal chap khawh asi.