PDF kutah Hriamnam He Aa Pemi Ralhrang Pawl

Home

CDM a tuahmi ralkap 4 Kyaukhtoo PDF sin ah rian an ṭuan ṭhan. Magway ramṭhen, Saw peng, PDF-Kyaukhtoo sin ah CDM a tuahmi ralkap 4 an um tiah PDF-Kyaukhtoo nih a thanh. CDM ralkap 4 chungah 1 cu hriam he CDM a tuahmi a si. Ralkap 4 chungah 2 cu PDF battalion 2 kuttang ah an lut i a dang 2 cu battalion 1 kuttang ah an lut.

SAC battalion 55 kuttang in ralkap Phyo Ko Ko, ralkap Aung Kyaw Zin le ralkap Way Lu Kyaw hna cu May thla dongh lei ah CDM an tuah i Mindat peng Infantry 274 in ralkap Hein Min Aung cu hriam he July 18 ah CDM a tuah. Hriam he CDM a tuahmi Hein Min Aung cu tangka sing 80 laksawng pek a si. CDM a tuahmi ralkap pawl cu ṭha tein ṭhutdirnak pek an si i PDF-Kyaukhtoo sinah rian an ṭuan ṭhan tiah theih a si. The Chinland Post