Pathian nih Cun Jerusalem Biakinn Hmanh Pei Akhangh Cu…

Home

Rev.Van Ram Uk Pathian thawngtha achimmi chungin kan biakinn pawl ralhrang nih an khanghmi kong achimmi tlawmpal highlight ka vun tuah lai. Atimi cu: Tuchan zumtu tampi nih Maang kan zum lo,Number 14 chung ah ka prophet hna cu mang in ka chonh hna a ti. Solomon kha Bawipa nih amaang ah achonh khah.

Solomon nih khan amaang kha rak zumhlahsehlaw Bawipa nih kha vialte thluachuah kha a pe hnga lo. Ka maang ah Bawipa nih hitihin a ka chimh tiah an ti tikah zumtu tampi nih Maang hna luklak cu tiah kan ti men ko. Cu cu asi lo, Bawipa nih Maang in minung hi achonh ko hna tiah achim.

Solomon cu apa David Siangpahrang bantuk in Bawipa nawl a ngaihlo ruangah Bawipa nih thluachuah achuh dih. Amah fapa Rehobaom zong Bawipa nawl a ngaihlo ruangah thluachuah an hmu lo, a pennak aa then dih. Zoh te u, Laitlang ah khin Kawlmi tampi an kai te lai, zeiruangah ti ahcun, nawl an ngai lo, nawl a ngailomi cu Bawipa nih miphundang salah achiah zungzal hna.

Jerusalem hmanh mei in a khang mi Pathian nih zeiruang ah dah Bawipa nih kan biakinn hi akhangh lai lo, Bawipa nih hi biakinn ah hin ka um lai tiah atimi Jerusalem biakinn hmanh kha nawl an ngaihlo ruangah mei in akhangh khah. Kanmah nawlngai lomi biakinn (Thantlang Biakinn, Hakha biakinn, Lautu biakinn, Zophei biakinn tbk) hi zeiruang ah dah a khangh lai lo, nawlngai lomi biakinn pei asi cuh tiah Rev.Van Ram Uk nih achim ko hih. Jan.6 Jan. update

JESUH BIA CAH BAPTISMA HI. Ahohmanh nih zumhnâk loin Pathian lung ton khawh a si lo; ( Heb 11:6a ) Zumhnâk an rak ngeih caah hlanlio mi hna nih khan Pathian cu a lung an rak ton. ( Heb 11:2 ) James 2:26 Cucaah cun pum cu thlarau loin a thih bantukin zumhnak zong tuahnak loin a thi ve.

KHAMHNÂK HMUHNÂK CAAH BAPTISMA ING A HERH MAW? Khamhnâk hmuhnâk ding caah baptisma ing hi a herh maw, herh lo, timi bia halnâk hi Bible nih zeitin dah a leh hnga. Mrk 16:15,16 A thawh hna i, “Vawlei cung khuazakip ah va kal u law miphun kip kha thawngòhabia va chim hna u.

A zum i tipilnak a ingmi paoh nih khamhnak an hmuh lai, a zum lomi paoh nih sual phawtnak an hmuh lai. Jesuh chim ning hi biakamnâk he â tlai colh mi bia a si i, hitihin, ” Thawngtha bia a zum i tipilnâk a ing mi paoh cu, khamhnâk an hmuh hrimhrim lai ” ti tluk a si.

Mi cheu nih, thawngtha bia a zum mi paoh cu Khamh an si lai i, tehte langhternâk ah tipilnâk a ing lai, cucu a hringthan mi zumtu a sinâk uniform a si. tiah Jesuh chim lo ning in mi kha an cawnpiak tawn hna. Ralkap cu uniform â hruk lo zong ah ralkap a si thiam thiam ko, uniform â hruk tik ah mi nih ralkap a si kha an hngalh khawhnâk a si, ti te hna in tahchunhnâk an lak i, nihchuak ngai ngai an si.

BAPTISMA HI UNIFORM A SI LO, UNIFORM CU NUN ZIA TU HI A SI. Gen 3:24 Cun Bawipa Pathian nih Adam le a nupi cu saphaw hnipuan a serpiak hna i a aihter hna. Saphaw hnipuan cu thah hnu ah lak mi thuam a si. Jesuh nih thihnâk a tuar hmasa lai, thihnâk in a thawhthan hnu ah thothan nun cu kan thuam thar si ve lai. tinâk tu a si.

Efe 4:24- Pathian he aa lo in sermi nan mihring thar kha i hruk u law cucu a dingmi le a thiangmi nunning i a langmi nunnak taktak kha a si. Gal 3:27-Khrih chungah tipil nan ing i Khrih nunnak in nan i thuam. 2Kor 5:17-Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha â thawk cang.

A sullam cu, thothan nun kha kan nun ah pek kan si i, cu cu nunning thar a chuahpitu ding thuam ( uniform ) cu a si. Baptisma cu Thawngtha bia kan zumh caah voikhat kan tuah mi si. i hruk in i phoih than lengmang phun khi si lo. Kol 3:9,10- Nan mi hlun cu a hman tawnmi a ziaza he khan nan i phoih cang i , mi thar cu nan i hruk cang caah pakhat le pakhat i hleng hlah u. Hi mi thar hi a sertu Pathian nih amah mui lo chin lengmang in a tharchuah lengmangmi cu a si i cucu amah hngalhnak kha tlamtling tein nan ngeih khawh nakhnga caah a si. a ti.

Bible nih ( uniform ) thuam in a kan cawnpiak mi cu nuncan le ziaza tuhi an si. Cucu a hlun le a thar a um e, tiah a nolh i, ( uniform ) thuam hlun cu phoih, hlâwt, kaltâk dingin a kan fial i, ( uniform ) thuamthar tu kha nan i hruk cang, nunning thar i nun kong kha a chim mi si.

KHAMHNÂK HMUHNÂK CAAH BAPTISMA ING A HERH MAW? Mtt 28:19- ( the Father) Pa le, ( the Son ) Fapa le, ( the Holy Spirit) Thiang Thlarau min in BAPTISMA ingter hna ulaw, ( Fialmi rian bak a si. ) Lam 2:38 Nan sual ngaihthiamnâk caah Jesuh Khrih min in BAPTISMA ing u. ( fial mi rian a si. ) 1Pet 3:21 cucu atu i nanmah an khamhtu hna BAPTISMA innak a rak sawhtu hi a si.

Bible cacâng hmunthum nih fiang tein a langhter mi cu Khamhnâk hmuhnâk caah BAPTISMA ing hi a herh ko, ti lawng hmanh si loin, KHAMHNÂK hmuhnâk a si hrim hrim, tihi kan hmuh khawh. JESUH MIN IN BAPTISMA ING HI KHAMHNÂK HMUHNÂK A SI, kan ti tik ah Ti i tipilnâk ing (Baptisma) lawnglawng hi Khamhnâk kan ti lo i, JESUH KHRIH thihnâk in a thawhthânnâk kong Thawngtha bia zumhnâk thawngin Khrih thihnâk le vui a sinâk hrâwmnâk ah a minung hlun phum in BAPTISMA a ing caah sual phawt bia ceihnâk in a luat cang i, sual ngaihthiamnâk co in khamhnâk kha a hmuh lai, tihi JESUH KHRIH MIN IN BAPTISMA ING CU KHAMHNÂK tiah kan cawnpiak ning cu a si. Zultu Peter nih Noah lawng ( kuang ) le baptisma cu cuai a thlai.

BUAN CHUKCHO KONG- lawng pakhat in i ser, thing òha kha hmang hna law a chungah a khaan ser hna, cun lawng cu a chunglei he a lenglei he kahtazasi thuh dih. A tung dong 300, a vang dong 50, a san dong 30 in na sak lai. Lawng cu a cungkhuh na ser lai i a cungkhuh le a vampang karah dong khat na awnter lai. Dot thum in na sak lai i a kam ah innka na ser lai. ( Gen 6:14-16 )

Noah sin ah himnak lawng ser dingin Pathian bia a phan, Noah nih Pathian chim ning tein a tuah ah cun Pathian zong nih a chim ning tein a luatter ve lai, cucu Pathian nih Noah bia a kamh ning a si. Heb 11:7 Zumhnâk in Noah cu hmuh rih lomi thil kong ah cunglei in ralrin pek a si, Pathian tih buin a chungkhar khamhnâk caah kuang kha a ser, cu nih cun vawlei kha thiamlo a coter i, zumhnâk ningin dinnâk ro cotu a si.

Ralrin pek ti le biakamnâk serpi tihi â khat. An chungkhar himnâk ( khamhnâk ) caah Lawng ( kuang ) a sertertu kha ZUMHNÂK a si. Zumhnâk in a tuah mi LAWNG ( kuang ) nih cun vawlei kha thiamlo a coter i, a tuahnâk nih a zumhnâk kha laksawng a coter ve.

Mrk 16:15,16 fianternâk- A thawh hna i, “Vawlei cung khuazakip ah va kal u law miphun kip kha thawngòhabia va chim hna u. A zum i tipilnak a ingmi paoh nih khamhnak an hmuh lai, a zum lomi paoh nih sual phawtnak an hmuh lai. LAWNG ( kuang ) he cuai thlaimi BAPTISMA cu JESUH KHRIH thawhthânnâk kong Thawngtha bia zumhnâk thawngin tuah mi a si caah, tuah a kan fialtu Jesuh Khrih biakamnâk cu a lak a si hrim hrim lai lo ti a fiang.

Noah nih Pathian bia zumhnâk in Lawng a ser tik ah vawlei kha thiamlo a coter, a ti bang, Mi nih Thawngtha bia zumhnâk in baptisma a ing tik ah a zum velo mi thiamlo cotertu a si colh ve tinâk a si. Noah ro a cotertu cu LAWNG a tuahnâk ( kuang ser ) kha a si i, cu LAWNG ( kuang ) a tuahtertu cu, ZUMHNÂK a si. Khamhnâk ro a kan cotertu ding cu BAPTISMA a si i, cu BAPTISMA a kan ingtertu cu ZUMHNÂK a si ve.

Jesuh Khrih thawhthânnâk kong Thawngtha bia kan zumhnâk thawngin Kan tuah mi baptisma nih hin, kan zumhnâk cu a nung ti kha fiang tein a langhter. ( James 2:26 ) A ZUM I TIPILNÂK A ING MI PAOH NIH KHAMHNÂK AN HMUH LAI. tihi, Kan hawi le mi cheukhat nih thawngtha a zum i tipilnâk a ing mi paoh nih tiah Jesuh chimmi hi ti ( water ) tak tak in tipilnâk ing kha a si lo, amah Jesuh chungah ( baptizo ) phum, hnim, tinâk tu kha a si deuh tiah an chim ve.

AN BIBLE CHEHCHANH MI CU. Gal 3:27 Khrih chungah tipil nan ing i Khrih nunnak in nan i thuam. Khrih chungah baptis, sullam cu Jesuh Khrih min in baptisma a ing cang mi hna kha, amah he nan thi ti, a sin ah phum ve in nan um cang, cu hmelchunhnâk cu ti chung i baptisma nan ing kha a si, cucaah Khrih nunnâk in nan i thuam ticu nunthar in nan nung cang, tinâk a si.

Rom 6:3,4 Khrih Jesuh he pehtlaihnak chung i tipil kan in ah khan a thihnak he i pehtlaihnak chungah kan i hnim ti kha nan philh dahra? Cucaah tichung i tipilnak kan vung in ah khan amah he vui òi kan si i a thihnak ah khan kan thi ve; cu bantuk òhiamòhiam in Khrih cu Pa sunparnak òhawnnak nih a thawhter bang khan kannih zong nunnak thar ah kan nung ve lai.

A thihnâk he i pehtlaihnâk chung ah baptisma ticu a thihnâk ah kan Minung hlun a thi ve, tinâk si i, ti chung i baptisma kan ing ah khan ti sullam cu a thimi kan minunghlun cu a sinah kan phum ve, tinâk si. Cu hnu lawng lawng ah nunnâk thar ah kan nung ve, ti khawh a si. Cucu Khrih nunnâk in kan i thuam ti zongin chim khawh a si.

SAWMNÂK BIA. Mi vialte nih khamhnak hmu hna seh ti le biatak kha hngal hna seh ti a duhmi Pathian kan Khamhtu nih, hi thil ̣ha hi a duhmi a si. ( 1 Tim 2:3,4 ) A kan khamhtu thothan Jesuh Khrih Bawipa kan Pathian nih mi vialte nih hin khamhnâk cu co hna seh ti le biatak hi hngal cio hna seh tihi a duh mi a si caah, khamhnâk cu kan co khawhnâk hnga a fawi mi te bia a kan cah tâk mi a um. Cucu, Thawngtha bia zum i baptisma ing hi a si. THAWNGTHA A ZUM I BAPTISMA A ING MI PAOH NIH KHAMHNÂK AN HMUH LAI. Amen. john fready

Tipil Innak ah Zumhnak 2 (Rambuai lio a si. I el hi tha ka pe loh. El-hniarnak ah si loin, kan zumhnak fianternak ah, hawi le hmaikhah lo buin, kan van thai). “Pa, Fapa le Thiang Thlarau min in tipil va pe hna uh” (Mtt 28: 19) (Pa, Fapa le Thiang Thlarau min in tipil an pek hna ti zong a um lo i, an ing ti zong aum lo). “Jesuh Khrih min in tipil an ing” (Lam 2: 38, 18: 48, 10: 48, 19: 5). (Jesuh min in tipil va pe hna uh, ti le, an pek hna ti a um loh. An ing ti voi 5 ah a um). Cu cu kan buainak a si.

Tipil pek kong ah ruahnak/zumhnak 2– “Pa, Fapa le Thiang Thlarau min in pek ding” ti zumhnak (Trinity). “Jesuh min in pek ding” ti zumhnak (Oneness). A peknak kong buaipi bik a si caah, peknak ka focus ve lai. An 2 in Bible ah dengteu in an um ve ve loh. “Pa, Fapa, le Thiang Thlarau” min in an pek hna, ti zong a um lo I, “Jesuh min in an pek hna” ti zong a um ve fawn loh. “Ruahdomhnak” ve ve an si. Cu bantuk cu Tehte he tha tein langhter khawhmi long zumh ding.

Pa, Fapa, le Thiang Thlarau min in tipil pek- Ka purhdah khawh tawk ah, “Pa, Fapa le Thiang Thlarau” min in tipil an pek hna ti hi, Bible chirchanh a thawng lo. “Pa, Fapa le Thiang Thlarau min in tipilnak va pe hna uh” ti hmanh khi, bet chom mi a si tiah a zummi Bible thiam zeimawzat an um.

Jesuh min in tipil pek- Jesuh min in tipil an pek hna ti a um loh. “Jesuh min in tipil an ing” ti cu voi 5 a um. Oneness pawl cu English grammar an thiam lo caah, an nawnnok dih ti a lar ngai. Fb ah ka hmuh len. Hi tluk a kan domi nihcun kan zumhnak hi, Mirang ram in ai thok ti tal cu an kan theihpiak awk a si nain. Cun, tuchan rilmal ah English hmanh thiam lo viar a kan puh ngamtu caah Bible an thiam lo ti chin chin cu an I fawih tuk awk hrim a si, ka ti.

Mirang ca hi ka thiam loh. Nain hei chim ve ko ning! “They were baptized in the name of Jesus” ti khi “Jesuh min in tipil an ing” ti nak in, “Jesuh min in tipil in ter an si” ti a dik deuh. Passive voice ahcun annih cu a cohlangtu an si cu mu. Cu caah an ing (a tuahtu dirhmun) tinak in, in ter (a cohlangtu) an si ti a dik deuh mi a si. Passive le Active voice an thei lo, ti a si caah hei peh ning. Tipil an ing, ti khi Passive voice an si reng. Active voice in tlen ahcun “Paul/Peter/ someone baptized them in the name of Jesus” ti a si hnga. “Paul/Peter nih Jesuh min in tipil a pek hna” ti a chuak hnga. Kanmah zumhnak a dirhthoh lehlam. Thil pakhat a um rih. Passive a si zong ah, Active a si zong ah, khi catlang I, “in the name of Jesus” Jesuh min in, ti khi ai thleng kho loh. Tanglei pawl hi zoh rih hmanh!

@ Jesuh min hman ding in cawnpiak kan si. Mithiang Paul nih, “Na tuahmi poh ah Jesuh min in si dih ko hna seh” (Col 3: 17). Mah hi Jesuh min hman a dotu hna nih, “Jesuh min in rawl ei, ti din le zun thawh tiang kan tuah ne lai” an ti ka theih bal. Biateinak sawh ah chimmi a si. Anmah hmanh nih an zum lai loh. A faing ko mi cu, Pathian thawnnak langh a herh khunnak le hman a herh khunnak ah Jesuh min hman ding cawnpiaknak a si.

@ Jesuh min hi mizaw damnak ah an hman. Peter le Johan nih mizeng pa kha, “Nazareth khuami Jesuh Krih min in tho law, kal kan ti” tiah Jesuh min chim/auh in an dam ter. (Lam 3: 6). Damnak ah Jesuh min an hman.

@ Jesuh min hi khamhnak caah pek mi a si. “Kan nih khamhnak caah Jesuh min long pek kan si” (Lam 4: 12). “A min ah Jesuh nan sak lai, zeicahtiah, a mi hna kha an sualnak chung in a khamh hna lai” (Mtt 1: 21). Pathian min le a riantuanning then awk an tha lo ti cu, Bible thuk deuh cawng nih an theih dih mi a si (Ai tumcopnak ah Jehovah-Jireh) ti bantuk.

@ Jesuh min in thlacam ding fial kan si. An cam fawn. “Ka min in nan halmi poh cu kan tuah piak hna lai” (John 14: 13) “Zeipoh ka min in nan ka hal ahcun ka tuah lai” (John 14: 14). “Bawipa min a aumi poh cu khamh an si lai” (Rom 10: 13) “Bawipa Jesuh ka thlarau kha cohlang ko” (Lam 7: 59) “Bawipa, hi sualnak hi an cung ah khing hlah” (Lamkaltu 7: 60).

“Jesuh min hman ding” cawnpiak kan si pin ah Zumtu hmasa nih an hman fawn. Cu pin ah “Jesuh min in an ing/in ter an si” ti asi fawn caah, UPC nihcun Jesuh min in kan pek/in ter hna. Cu pin ah “Pa, Fapa le Thiang Thlarau min in tipilnak va pe hna uh” tiah rak chimhmi Lamkaltu pawl zong nih Jesuh min in an inter fawn hna. Bible relnak zulhphung biapi pakhat cu, “Zeitindah a rak theitu (first audience) nih an theih, an fian ti kha a biapi bik. Anmah rak chimhmi a si cu mu. Cu caah kan dirhmun a fek in ka ruah.

Ka khuaruah a har ngaimi cu, zumtu tampi nih, thlacamnak ah, mizaw damnak ah, khuachia thawlnak ah Jesuh min hman kan duh i, kan hman ko. Nain (sak hnawh channak) Khamhnak caah hman kan duh lo pin ah a hmangtu pawl hna zong, hruh le ngat vialte kan phot hna hi a si. Kannih cu Bible ning in (Biakinn on, Kutsih thlacam, thlacam) ah Jesuh min kan hman zungzal ko lai.

Tipil in cu Khamhnak a si maw?- Tipil in hi khamhnak kan ti bal loh. An kan puhmi sawh a si. Kan dirpi mi cu, “Jesuh Krih zumh, a min in tipil in hi khamhnak a si.” Bible cawnpiaknak a si caah a si. Hmun tampi ah a um. Jesuh nih “Ti le Thlarau in nan hrinthan ding, a zum I tipil a ingmi cu khamh hmuh ding” a kan ti. Peter nih (khamhnak kong ah dengteu in an hal ah) “Jesuh Krih zum uh, a min in tipilnak ing uh” a ti hna. Paul nih a zummi tipil a in ter hna. Philip nih a in ter hna.

“Khamhnak cu Pathian vel long in a si. Minung tuahsernak a si loh, ti he ai kalh maw? Kalh naisai hlah. Hi hi ruat hmanh! Jesuh Krih nih Vailam cung ah Khamhnak a ser. Ai lim cikcek. A si ah, mi vialte automatic in khamh kan si maw? Si naisai hlah. Zeitindah a si ne? Cohlan a hau. Cu cu zumhnak kan timi cu a si.

Zumhnak cu zeidah a si? Thluak hngalhnak asi lo, ti cu kan cohlan dih. Khuachia hmanh nih hngalh cun a hngalh. Zeitindah a si ne? Mirang nih “Active Response”, a nungmi cohlannak, timi nih a fianter ngai. Thawngtha cohlan a hau. Thawngtha cu zeidah a si? “Khrih Thihnak, Vuinak le Thawhthannak kha a si” (1Cor 15: 1-8). Cucu zeitindah kan cohlan lai? Zumhnak in, “ti chung I tipil kan vung in ah khan amah he vui ti kan si I, thihnak ah khan kha thi ve…. Amah he kan tho ve lai” (Rom 6: 4, Col 2: 12). Phundang in chim ahcun, zumhnak ah tipilnak ai tel.

Zumhnak hi Thawngtha zulh (obey) a si. Bible hmun tampi ah a um. Paul nih “Amah nawl a ngaimi khamh awk ah a ra” (Hebrew 5: 9). Thawngtha a zum lomi (do not obey) dantat an si lai (1 Peter 4: 17). “Sihmanhsehlaw an dihlak cun thawngtha an pom (obey) lo” (Rom 10: 16). A si ah, Pathian vel cu zeidah a si kun? Misual, Pathian he ai rem kho lo ding, kan caah, amah Pathian nih a vel in khamhnak a kan ser piak. Cu cu Vel cu a si. Zumhnak a si zong, tipilnak a si zong, Pathian Vel lo cun pakpalawng an si hnga.

Thihnak le Nunnak dawh a si hih. Jesuh nih thihnak hmanh nih a tei lo ding Krihfabu ka dirh lai a ti (Mtt 16: 18). Amah nih a dirh loh. Lamkaltu tuanvo a pek hna. Pentecost ni ah an dirh. An dirhning cu “Jesuh zumh, a min in tipil innak” in a si. Hi bia hi larnak sawh sawh caah a si loh. Nang na pial, na hngal loh, nan thiam loh, I ti sawh sawh ding kan si loh (Angai te ti ahcun, ka thiam bik, ka hngal bik, ai timi kan level cu ai thei pah ko).

Kan I hal awk bak a simi cu; “Bible ah zumtu hawi ka ngei maw? Na zumhning bantuk hin Bible zumtu an zum maw?. Jesuh dirhmi Krihfabu zumhnak le na zumhnak ai khat maw” ti hi a si. Bia el teinak sawh sawh a si lo fawh hih. Thihnak le nunnak bia dawh a si hih. Pathian thluachuah nan cung tlung ko seh! Dr. Van Hlei Thang