Pastor pa nih Rev. Uk Ling Thang Nupi A Report

Home

Pastor Uk Ling Thang nupi tlaihnak kong thawngpang theih cu apoi taktak. Ralhrang nih an  tlaihnak a ruang hi hnahchuah ziarngeih le remlo phun si dawh asi. Report tuahtu hi Lami pastor thiamthiam a si tiah theih asi.

Mah kongah John Fambawl JohnfThawng nih comment ah hitihin a tial; ” Khrihfabu dang Pakhat Pastor pa nih a kan report tiah Rev.Uk Ling thang nih a chim..A min a khua.a khrihfabu a umnsk add zong kan hngalh dih cang kan mah lai mi asi ati..a herh ah cun kan van tar te lai a ti ko hih…Hnahchuah deuh sidawh asi..poi ko thlacamnak in bawm cio hna usih..An fa te hi thlakhat lawng asi rih mi hngakchia bawhte asi” tiah ati.

Yangon CBC Pastor Nupi Le Khrihfa Bu Upa Pahnih Cu Palik Nih An Kalpi Hna! Nihin August 9, zinglei suimilam 10:00 hrawng ahkhan Shwe Pyi Ta(ရွှေပြည်သာ) Bayintnaung(ဘုရင့်နောင်) lampi pawng ah ummi Cornerstone Baptist Church (CBC) ah SAC ralkap le palik an phan i, pastor nupi sayamah Nu Zing le khrihfa bu upa 2 cu palik sakhan ah an kalpi hna, tiah theih a si.

“Nihin zinglei suimilam 10:00 hrawng ah palik 7 hrawng an ra i pastor pa nupi le khrihfa upa 2 cu an kalpi, zei ruangah an tlaih hna kan hngal lo,” tiah khrihfa bu chungtel pakhat nih a chim. Tuzing lei ah CBC Biakinn i hla cawnnak le lam cawnnak an tuah lio ah palik le ralkap nih luhhnawh in an tlaih hna hi a si, tiah a chim chap.

CBC khrihfa bu pastor Pu Uk Ling Thang cu US ah Baibal sianginn a kai lio a si i, a um lo kar ah a nupi le khrihfa bu chungtel 2 tiin minung 3 cu an kalpi hna. Khrihfa bu upa pakhat nih cun, “Ramkhel lei he ai pehtlaimi cu a si lo, pumpak kong ah mi pakhat nih report a tuah caah hlathlai ding in an kalpi hna hi a si ti in kan theih” tiah a chim. Palik nih sakhan ah an kalpi mi hna 3 chung in sayamah Nu Zing cu nau no ngei ka a si caah a chungkhar cu thinphang in an um, tiah khrihfa bu chungtel upa pakhat nih a chim. (Zalen)