Pasaltha Miphun Caah Nunnak Aliammi 2

Ralhrang jet nih bomb thlak ruangah nunnak a liammi CDF Senthang AGS salai Siang Cung Hnin nunnak a liam i, khuami minung 3 hliam an tuar rih.

Bomb I Puah Sualnak In CNDF Ralkap Pakhat Nunnak Liam. Central Lairam, Lawngtlai 2023 Biangreithlep 8: Chin National Defense Force (CNDF) ralkap, Salai Ngun Za Lian Kim kum 21 cu amah nih aa kam bantukin ram le miphun caah rian a țuan cuahmah lio 2023 Biangreithlep 6 ni ah ruah lo pi’n bomb in amah le mah a puahsual caah a nunnak a liam. Miphun dohthlennak caah aa pumpeknak cungah CNO/CNDF nih upatnak sangbik kan pek, kaltak mi chungkhar ngaihchiatnak kan hrawnpi hna.

Chin paralṭha kan miphun ralkap Salai Ngun Za Lian Kim, ram le miphun caah nai pumpeknak le na ruahchannak hi na kaltak mi CNO/CNDF nih kan philh lai lo, thahrum hmang in nawlngeihnak laktimtu ralhraang an cimih tiang kan rak doh lai tiah a kal cangmi na tuanhawi pralțha pawl le na minchalh in bia kan i kam tiah CNO nih ngaihchiatpinak le upat peknak cathanh an chuah. The Lairam Times

ALP Ralkap Chungtel 20 Leng Cu Rakhine Hriamtlai AA Nih An Tlaih Hna. ALP ralkap chungtel 20 leng cu a luancia thla ah ULA/AA nih an tlaih hna, tiah ALP in chimphuannak nawlngeitu Major Zaw Min Thein nih a chim.”A luancia thla ah kan party chungtel ralkap 20 leng cu AA nih an tlaih hna. Hi kong hi mizapi sinah theihter kan duh lo.

Kan tlaih khawh ve ko hna nain kan tlai duh hna lo. A ruang cu Rakhine ram ca ah a ṭuan ciomi kan si. Khat le khat karah buainak le kahdohnak a chuah lai kan duh lo,” tiah a chim.ULA/ AA he hriamtlaih ṭi ding kan duh ko nain AA cu nawlpeknak pakhat tangah an um i hranhram uknak bantuk a si caah kan cohlang kho lo, tiah ALP nih an langhter.

ALP hi phunih in an rak i ṭhen hlanah ALP le ULA/AA cu hriamtlaih ṭi dingin ceihkhannak an rak ngei ko nain atu tiang an i fonh kho hlei rih lo, tiah theih a si. Pi Saw Mya Yar Zar Lin nih a hruaimi ALP cu mizapi hlen le kahdohnak lam i thim in rian a ṭuanmi kan si lo i, remdaihnak papak in SAC nih an tuahmi NCA lamthluan a zultu kan si, tiah an langhter.ULA/AA telh in a dang Rakhine hriamtlai hna cu kahdohnak lam i thim in an kal i, cheukhat hriamtlai phu hna cu a ruang tampi ruangah kahdaihnak minsen an thut, tiah theih a si.