Pasal/nusaltha Hna FUR chung Riahcaw Eidin Caah Bawmhhalnak

Pastor Tluang Hre- Furchung Riahcaw Ei-din Caah Kut Samh Hna Usih. Ram le miphun zalonnak caah ram dawtu pa/nusal țha hna nih pumpek nunthap in Dohthlennak ah pum an i pe … dawtmi cheukhat hna rizung mual an liam cang, cheukhat hna pum tlaamtling lo ah an i chuah cang hna …

Hihna hi chungkhar cio nih bihzun-zohthlami lawngte an si, a tuartu hna caah zeitluk indek a va fah lai ti uhlaw …. “Ram le miphun ca’h sihlah sehlaw cu mu …..” Dohthlennak rian hi ram hrinfa dihlak kan țuanvo a si, hohmanh i phetchem awk a țha lomi a si.

Ralkap pakhat thlakhat riahcaw ei-din caah tulio kan ei-dinning rate in thlakhat ah MMK. 50,000 ($ 30 ), kumkhat caah MMK. 600,000 ($ 360) a si. Ralkap minung pakhat riahcaw ei-din caah nikhat ah $ 1 in, thlakhat ah $ 30, kumkhat caah $ 360 a si lai. Dohthlennak ah mipum in aa tel kholomi hna nih kanmah aiawh ah minung pakhat riahcaw ei-din ca tal thawhkhawh i zuam cio hna usih tiah kan sawm hna.

Fur a tla cuahmah cang, lam le sul an rawkchat cang hna lai caah, ram rawh hlan deuh zikzalhnak caan țhat lio te ah furchung riahcaw eidin zalhpiakkhawh rak kan zuam hram uhlaw … “Thil hme tete pali vawlei cungah hin an um, Sihmanhsehlaw cu hna cu, a fim bikmi nak hmanh in an fim deuh: Cu hna cu hihi an si: Hngerhte, a ṭhawngmi an si lo na i an rawl ṭhal caan i aa khonmi; Saveh, a der ngaimi a si ko na i lungkua chung i a inn a sami; Khaubawk, siangpahrang ngei a si lo na i a rualrual in a kalmi; Ṭekral, kut in tlaih khawh a si ko na i siangpahrang inn ah khua a sami. (Phungthlukbia 30:24-28)  Vaurawng phu in siseh, Mah le umnak ram RC & CC sin in siseh thawh/pekkhawh a si lai.