Park ah A Ummi Minung 6 Athah Hna, 24 Hliam An Tuar Rih

Home

Minung 6 Athah Hna, 24 Ahliamh Rih Hna- Nizan July 4 ah US Illinois I Highland Park ah meithal kahnak a chuah than. Mi pakhat aho ti theihlo mi nih meithal in a kah hna ruangah a hmun ah minung 6 an thi I, minung 24 sizung an phan. Thahnawnnak a tuahtu hi a tlik cang caah ahodah asi ti an thei kho rih lo. Aliamcia May 24 ah mipa pakhat nih siangakchia minung 19 le siang cachimtu 2 a rak thah cang fawn hna. US hi Biden president a tuan hnu in ramchung security a chia taktak tiah an chim.

Mone peng ah SAC sakhaan 5 cu KNLA nih hmakhat te ah an lak– Karen National Union (KNU) tlaihnak hmunhma a simi Nyaunglaypin pengkomh, Mone hmunhma ah SAC sakhaan cheukhat cu KNLA battalion 3 nih a lak tiah KNU nih June 3 ah a thanh. June 2 zinglei ah Mone peng chung ah a ummi SAC sakhaan Kyaungpya, Aunglaungsein, Kyonepinseih, Kawpin le Kyaungsuh sakhaan hna cu hmakhat te ah lak an si tiah KNU cathanh ah a langhter.

Lak a simi SAC sakhaan pawl cu mipi pawl umkalnak ah zohfelnak an tuahnak hmunhma pawl an si. Sakhaan lak kahdohnak ah hriam tampi zong chuh an si tiah KNU nih a thanh. Sakhaan thianhhlimnak le thil fim lioah SAC nih vanlawng le helicopter in kah a bawmh i a zaammi mipi hna zong a kah hramhram caah khuami 4 an thi i hma a pumi zong an tam tiah KNU nih a langhter. TCP